Daily news
ЕУ троши милиони за депортирање на бегалците
![](https://makfax.com.mk/wp-content/uploads/2017/05/deca-begalci.jpg)
ЕУ троши милиони евра за депортирање на мигрантите во нивните матични земји, и само еден од нив ја чинеше околу 90.000 евра. Ова го покажа испитувањето на ЕУ Обсервер за околу 100 заеднички летови за координирано враќање на мигрантите од страна на граничната агенција на ЕУ, ФРОНТЕКС.
Истражуваните случаи датираат од почетокот на 2015 година до октомври 2016 година, а бројките покажува огромни трошоци за враќање на илјадниците емигранти кои живеат во европските земји.Пресметано е дека Агенцијата во просек потрошила околу 5.800 евра за секој поединец депортиран назад во неговата земја на потекло, но просечната проценка е груба, бидејќи сумите зависат од дестинација на летот, бројот на персоналот за придружба и слично.Така депортирање на Албанец од Германија може да чини околу илјада евра, а принудно враќање во Нигерија може да чини до 9.000 евра.
Портпаролот на агенцијата објасни дека зголемувањето на трошоците се должи на “неочекувани околности“. “Кога се планираат и одобруваат операциите за враќање , може да се случат неочекувани околности во последен момент, како бегство на тие што треба да бидат депортирани, сменета медицинска состојба, нови барања за азил или други правни предизвици”, изјавил портпаролот. Во некои екстремни случаи, трошоците може да излезат од контрола.
Во мај минатата година, швајцарските власти побарале Фронтекс да организира лет за депортирање на четири државјани на Того и еден на Бенин назад кон нивните матични земји.Но, од непознати причини, тие сите биле отстранети од списокот на патници непосредно пред заминувањето. Како резултат на тоа, летот бил презакажан и се остварил само со двајца други државјани на Того придружувани од 13 чувари.
Целата операција завршила со трошок од 177.000 евра, или повеќе од 85.000 евра за секој мигрант. Летовите за депортации се заеднички финансирани од страна на земјите-членки и ФРОНТЕЛКС, така што тешко е да се дознае точната сума за секој од нив. На овие трошоци исто така треба да се додадат националните трошоци за притвор, за уредување на документите и слично.
Во споредба со Германија каде што депортација на еден бегалец чини околу 12.000 евра, во јужните земји чини помалку.Генерално сепак една депортација од ЕУ чини колку кетеринг за едно лице за една година во Унијата./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.