Daily news
Захир Бекири за „Макфакс“ – Владата итно да донесе закон за амнестија за политички монтираните случаи
![](https://makfax.com.mk/wp-content/uploads/2017/08/16265297_2197853060440215_8690323893304123455_n-1.jpg)
„Не се надевам, туку верувам дека оваа Влада експресно ќе даде амнестија за сите затвореници оти секоја претерана казна затворениците ги спобудалува и не ги социјализира…“, смета осудениот Захир Бекири – Чауш во краткото интервју за „Макфакс“, кој ја издржува затворската казна за изработка на лажни лични карти и пасоши.
На прашањето дали очекува новата Влада да донесе закон за политички затвореници, односно за политички монтираните случаи, Бекири вели: „Да, очекувам. Не само јас, туку сите затвореници. Не знам кој е политички затвореник, ама за мене и за брат ми сигурен сум дека се политички монтирани случаи“.
Тој вели дека не е важно дали е виновен или не бидејќи две третини од казната веќе ги издржал во затвор. „Виновен сум само што бевме фамилијарно ангажирани „ватрени“ активисти за СДСМ“, додава Бекири.
Случајот „Фабрика за афери“ беше најавуван како мегаскандал во кој полицијата нашла 70.000 незаконски прислушувани разговори, кои наводно тогашниот лидер на опозицијата Зоран Заев му ги дал на Бекири. Бекири за „Макфакс“ демантира: „Никогаш не сум имал никакви снимки! Некој мораше да биде жртва и, за несреќа, ме избраа мене затоа што бев добар активист на СДСМ. ВМРО-ДПМНЕ ги снимала тие снимки така што ги имаат сите снимки, најверојатно, имаат многу повеќе од господинот Заев, ама јас сум колатерална штета во целиот случај што се вика баксуз“, вели тој.
По претресот на неговиот дом, обвинителот Јово Цветановски објави дека меѓу фалсификуваните документи има и илјадници прислушувани разговори. На ова Бекири вели дека обвинителот Јово Цветановски лаже бидејќи не нашле никакви документи кај него. „Тоа беше низ целиот судски процес, немаше такво нешто. Се обидоа да манипулираат со некакви си хард дискови и компјутер од децата. Потоа незаконски ме зедоа, ме киднапираа од КПУ „Идризово“, па ме пднесоа во неговата канцеларија. Шест часа ме малтретирааа и се закануваа со фамилијарна ликвидација и затворање, немав право ни на адвокат. Ми нудеа милион евра и функција за да сведочам дека Заев ми ги дал снимките. Со обвинителот Цветановски беше директорот на УБК и нудеа сè и сешто знаејки дека слаба точка ми е државјанството на РМ. Тука сум роден, а цел живот немам никакви права како граѓанин на државата. Едно сум сигурен дека полош обвинител од Цветановски и насилник не постои. Јас сум верник. Верувам во бога. Секогаш сум се борел за соживот и љубов кон човештвото и меѓуетнички да се сакаме, пример е и мојот брак, па згора на тоа неколку инспектори неколкупати се обидувале да ја натераат мојата сопруга да даде изјава дека јас сум насилник и ја малтретирам, дури до таму отишле… Бидејќи немаше никакви докази против мене, се обидоа со сите методи, а јас за ништо на светот, за никој човек не би сведочел лажно… “
Бекири додава дека се гордее што живее во Македонија и што е меѓу најангажираните активисти на СДСМ.
В. Маглешов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.