Daily news
Звуците на орангутаните го расветлија развојот на човековото комуницирање

Научниците коишто со години ја следеле комуникацијата на најблиските примати до човекот, орангутаните, тврдат дека ова „прислушување“ им помогнало да го расветлат потеклото на човековото комуницирање, односно јазикот.
Др Адриано Реис е Ламеира од универзитетот Дарам снимил и анализирал речиси 5.000 различни звуци коишто орангутаните ги произведуваат со усните. Утврдил дека животините за испраќање различни пораки со испакнувањето на усните произведуваат звуци кои наликувале на согласки, а тој и неговите колеги веруваат дека на тој начин добиле увид во начинот на кој човековите предци ги создавале првите зборови.
„Јазикот на луѓето е извонредно напреден и комплициран. Речиси секоја информација можеме да ја претвориме во звук. Претпоставуваме дека зборовите се развиле од некои рудиментирани звуци за да би можеле да се пренесат посложените пораки“, вери др Реис е Ламеира за BBC.
„Ги употребивме звуците на орангутаните како временска машина. Се вративме во времето кога нашите предци го користеле она што подоцна ќе станат согласки и самогласки“, појаснува.
Научниот тим со особено внимателно ги проучувал „цвокотењата“ кои овој вид мајмуни ги произведуваат со усните, а тие, како и многуте консонанти, кои звучеле како буквите Т, П и К, зависеле од активностите на јазикот, усните и вилицата, а не од гласот.
„За таквите звучни огласувања не се потребни вокали, поради што акустички и артикулациски ни звучат како самогласки“, појаснува Реис е Ламеира.
Во истражувањето на човековиот говор помалку е истражуван развојот на консонантите, но според мислењето на шефот на оваа студија професорот Серж Виша од ливерпулскиот универзитет Џон Мур, тие се клучната спојка во развојот на јазикот.
„Повеќето јазици имаат повеќе консонанти отколку вокали. А доколку имаме повеќе сврзници, толку е и поголема можноста за комбинирање“, појаснува Виш.
Преслушувајќи ги снимките од огласувањето на орангутаните, научниците утврдиле дека животните внеле неколку различни сврзници во својата комуникација преку звуците коишто ги произведуваат со усните. Тоа о споредиле со начинот накој современиот човек употребува повеќе од еден збор за ист поим, на пример, се вели автомобил но и возило.
„Се чини оти така двојно се осигурувале дека пораката ќе биде пренесена, односно дека истата порака ја испратиле користејќи неколку различни звучни сигнали“, заклучиле научниците.
Нивната студија упатува на тоа дека до раниот развој на јазикот не довел заедничкиот напор на нашите предци да формираат сложени зборови, туку редунданцијата, односно создавањето различни звуци кои носат исто значење и не го зголемуваат количеството , а се употребуваат поради посигурното пренесување и подобрата контрола на пренесувањето на информациите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Прва правна конференција Tres Partes

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.