Зигмар Габриел доаѓа на Балканот

 Шефот на дипломатијата на Германија, Зигмар Габриел, од денес ја почнува турнејата во Србија и Косово, што идната недела ќе ја дополни со Албанија. Пред тргнувањето за Белград тој изјави дека во Западниот Балкан е постигнат значаен прогрес изминатите години, но во последно време се гледа дека некои рани од минатото се длабоки и дека се уште може да предизвикаат тензии.

„Ние сакаме да продолжиме со поддршката на земјите од регионот за да ги развијат нивните демократски структури и владеење на правото и да се придвижат кон стабилност и просперитет“, порача Габриел пред тргнувањето од Берлин.Тој додаде дека поради таа причина негова прва дестинација се Србија и Косово, а идната недела Албанија , за да процени самиот каква е ситуацијата во овие земји.

„Ќе ги уверам моите соговорници дека патот кон ЕУ ќе остане отворен за нив ако се одлучат за напредок и реформи, наместо за поделби и стагнација“, порача Габриел, без да спомене воопшто дали Македонија ќе се најде исто така на неговата агенда на посети во регионот .

Откако деновиве не заобиколи сенаторот Џон Мекејн, кој буквално ги посети сите земји во регионот освен нашата, истото може да се повтори и од германскиот шеф на дипломатијата. Гидо Вестервеле беше последниот шеф на дипломатијата на оваа земја што престојуваше во Скопје.крај/мф