Контакт

Daily news

Креаторите на видео игри повеќе се обложуваат на страста отколку на профитот

Објавено пред

Јужна Кореја, просперитетниот јазол на технологиите во Североисточна Азија, е и на второ место што се однесува до индустријата за видео игри, а локалниот пазар минатата година се проценува дека достигна 11,3 трилиони вони (9,9 милијарди долари).

Според податоци на Корејската агенција за креативни содржини, пазарот на видео игри во земјата се очекува да расте и да достигне 11,6 трилиони вони во 2017 година.

Овој раст е посебно побрз кај игрите за мобилни телефони. Пазарот за мобилни игри во земјата во 2016 достигна 3,89 трилиони вони, што е за 11,7 проценти повеќе од претходната година. Оваа бројка за годинава се очекува да достигне 4,2 трилиони вони.

Тука е седиштето на Нетмарбл гејмс, најголемиот корејски креатор и развивач на видео игри кој го потпиша мегахтиовот како „Лајнејџ 2: Револушн“.

Но јужнокорејските компании креатори на видео игри не се само големите компании од овој сектор.

На 22 април, независните креатори на видео игри се собраа во центарот на Сеул да учествуваат на фестивал чиј домаќин беше американскиот технолошки гигант Гугл инк., и беа претставени наслови кои ќе им конкурираат на оние на големите играчи.

Иако се смета дека насловите кои ги исфрлаат независните креатори на видео игри имаат слаба графика или акција, во споредба со оние кои ги лансираат големите имиња, развивачите на игрите велат дека се горди на уникатноста и атрактивноста на нивните содржини.

Џанг Хавранг, од ИГ софт, е еден од нив кој е горд на успехот и покрај малиот број на луѓе кои работата на нив и на ограничениот капитал.

– Нашата игра „Форт Ран“ е доказ за игра која може со уживање да се игра насекаде, вели Џанг. „И покрај нејзината едноставност, исграта исто содржи постојано менување на содржината за да ги задржи играчите заинтересирани. Јас само бев заинтересиран да направам забавна игра“, објаснува развивачот.

Ким Киџунг од Лила софт, е уште еден кој основал независна компанија за креирање на видео игри чисто од ентузијазам.

– Сакав да основам компанија пред да биде доцна, рече 38-годишниот Ким. За време на собирот, Ким претстави игра со музички ритмови и со динамична содржина, која беше сосема поинаква од останатите игри на другите ривали.

– Како независен креатор на игри, се соочив со бројни пречки вклучувајќи и финансиски проблеми. Со цел да се натпреварувам со големите компании, нашата игра требаше да биде сосема поинаква, објаснува Ким. „Но една независна игра може да успее кога ќе понуди дијаметрално различно доживување за нејзините корисници“.

Иако глобалниот пазар за игри за мобилни уреди останува голем предизвик, некои од насловите веќе добија позитивен фидбек од странските пазари. Една од нив е „Милк чоко“, игра со пукање на фирмата ГејмПарадизо.

– Веќе имаме милион спуштања на играта од Гугл ап-стор, вели Шин Сеунг-хо, еден од креаторите на играта. „Имаме корисници не само од Јужна Кореја, туку и од САД, Тајван и Тајланд“.

Шин рече дека иако компанијата никогаш не направила голема реклама, играта се здобила со популарност преку социјалните медиуми.

– Сакавме да направиме компанија каде сите ќе работат и ќе се забавуваат. Исто се обидовме и финансиски да не ги оптеретуваме корисниците, рече Шин.

Ли Вумин, 20-годишен фан на независни игри вели дека обожува да игра игри кои се различни од оние на големите креатори.

– Игрите на големите компании се сите донекаде слични. Го вклучувате програмот и избирате херој во зависност од нивниот статус. Но кај независните игри, тие имаат оригинални идеи, вели Ли. „Да се биде поинаков е голема доблест кој ја прави играта уште позабавна“.

Во меѓувреме, малите креатори на игри без страв побараа од владата да донесе попрактични решенија за да им помогне на локалните фирми од играчката индустрија што подлабоко да навлезат на странските пазари.

– Независните креатори на видео игри тежнеат да бидат креативни наместо да ги следат последните трендови. Сепак финаисирањето од страна на владата се фокусира на најновите технологии како што е виртуелната реалност или други популарни жанрови, вели Шин.

Владата треба да ги пиочитува независните креатори кои претрпуваат неуспеси. Да се биде успешен во креирањето и развојот на игра е како да се добие на лото, подвлече тој.

Ким исто рече дека владата треба да овозожи програма за поддршка која ќе им помага на независните клреатори на подолг рок, наместо да им дава еднократна поддршка.

– Поддршката треба да продолжи и по претставувањето на играта. Со оглед на тоа што креаторите се соочуваат со пречки во целиот процес од развојото до нејзиното објавување, владата исто така треба да размисли да обезбедува помош и во тие апсекти, рече Ким.

Џанг Сујонг, кој е шеф на Киви вокс, го повтори духот на претприемачите и креатори на независни игри повикувајќи ги тие луѓе да не се наслонуваат на трендовите.

– Јужнокорејската индустрија на независни видео игри се уште има долг пат пред себе, рече Џанг. „Но со оглед на тоа што постојат креатори и развивачи кои имаат сила воља да се справат со тешкотиите кои се појавуваат на патот, верувам дека нивната иднина е светла“.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија2 часа

Земјотрес со јачина од 4,5 степени почувствуван во земјата

Земјотрес со јачина од 4,5 степени вечерва беше почувствуван во земјата и регионот. Епицентарот, како што јавуваат медиумите од регионот,...

Македонија4 часа

(Видео) Јовески: Потребно ни е силно, професионално и одговорно обвинителство

Државниот јавниот обвинител, Љубомир Јовески, смета дека треба да има силно, професионално и одговорно обвинителство, да не се задоволуваат дневнополитички...

Македонија4 часа

Владата бара од инспекторите да извршат увид на градбите во Охрид и Струга

Владата на денешната седница го задолжи Државниот инспекторат за градежништво и урбанизам да изврши надзор над изградбата на градби од...

Македонија6 часа

Жбогар: Да продолжат реформите, законот за Јавното обвинителство да се донесе пред да се распушти Собранието

Евроамбасадорот Самуел Жбогар порача дека земјава треба да продолжи со реформите во клучните области и дека новиот закон за Јавното...

Спорт6 часа

За 24 часа милион ипол луѓе се потпишаа Коби да е на новото лого на НБА

Повеќе од 1.5 милиони луѓе за помалку од 24 часа се потпишаа на он-лајн петицијата силуетата на Коби Брајант да...

Македонија6 часа

„Анима мунди“: Ужас на скопските улици, се превезува распнат коњ

Здружението за заштита на животните „Анима мунди“ објави вознемирувачка фотографија на распнат коњ како со камион го превезуваат на скопските...

Македонија7 часа

Откриени креаторите на „Јавна соба“, МВР ќе ги достави доказите до Обвинителството

Министерство за внатрешни работи, сектор за компјутерски криминал и дигитална форензика, во координација со СВР Скопје изврши идентификација на сопственикот...

Македонија9 часа

Вештак во судењето за Ласкарци: Човечкиот фактор пресуден за несреќата

Првата реакција и обидот за сопирање кај возачот настанала во првата секунда, кога ја кренал ногата за гас и ја...

Македонија11 час

(Видео) Чулев: Спасовски последниот ден делел решенија и во 12 навечер

Само во последните две години МВР потрошило над 4 милиони евра за судски постапки од вработени кои тужеле главно за...

Македонија11 час

Филипче: Состојбата е под контрола, нема причина за паника за коронавирус во нашата држава

Состојбата е целосно под контрола, во овој момент нема ниту една причина за некаков ризик или паника за коронавирус во...

Македонија12 часа

Рустеми: Јанева бараше да се утврди штетата во „Поштенска банка“ и да се затвори истрагата

Обвинителот Бурим Рустеми од поранешното СЈО сведочеше денеска пред судот за случајот „Рекет“ каде обвинети се Бојан Јовановски и ексшефицата...

Топ13 часа

Се судрија автобус и автомобил на автопатот Куманово-Табановце, дваесетина луѓе повредени

Дваесет и едно лице се тешко повредени во сообраќајна несреќа што синоќа се случила на автопатот Куманово-Граничен премин Табановце, помеѓу...

Култура13 часа

Тимот на „Медена земја“ на настан пред „оскарите“ во друштво со големите холивудски ѕвезди

Тимот на „Медена земја“ беше дел од настан во театарот „Долби“ во Холивуд организиран од американската Академија за филмски уметности и...

Свет14 часа

Откриено што се случувало во хеликоптерот на Брајант во последните моменти пред несреќата

Кошаркарската легенда Коби Брајант загина во хеликоптерска несреќа во неделата наутро по локално време откако леталото во кое беше ѕвездата...

Свет15 часа

Трамп денеска ќе го објави мировниот план за Блискиот Исток

Американскиот претседател Доналд Трамп објави дека денеска ќе го претстави мировниот план за Блискиот Исток, кој претходно го најави како...

Свет15 часа

Во Германија потврден прв случај на коронавирусот

Во Германија е потврден прв случај на смртоносниот коронавирус, кој се појави во Кина и се прошири и во други...

Свет15 часа

Бројот на жртви од коронавирусот во Кина надмина 100

Бројката на починати од коронавирусот во Кина надмина 100. Според најновите податоци, се работи за 106 смртни случаи, а во...

Македонија1 ден

(Видео) Поранешни вработени во ОХИС: Во фабриката има остатоци од опасна жива

Поранешни вработени во фабриката ОХИС тврдат дека во кругот на фабриката има опасна жива како остаток од работењето на некогашниот...

Топ1 ден

Тело на 60-годишна жена извлечено од водите на Вардар

Телото на 60-годишна жена било извлечено од реката Вардар во Скопје. „Вчера, во СВР Скопје било пријавено дека во водите...

Македонија1 ден

Град Скопје објави итни мерки и препораки поради загадувањето

Бесплатен јавен превоз, запирање на градежните работи и поскапен паркинг се дел од итните мерки од надлежност на Град Скопје,...

Досие