Daily news
Мета: Задоволен сум што политичката криза во Македонија оди кон нејзиниот крај
![](https://makfax.com.mk/wp-content/uploads/2017/05/ilir-meta.jpg)
Албанскиот претседател Илир Мета изјави дека е задоволен што политичката криза во Македонија оди кон нејзиниот крај.
Мета говореше на предизборниот митинг во Корча, кој беше масовно посетен од етничките Македонци во корченскиот крај и областа Мала Преспа, бидејќи двајца Mакедонци, ќе се борат за влез во албанското национално собрание, на заедничката листа со неговото Движењето за социјалистичка интеграција.
Етничките Македонци во Албанија, собрани околу политичка партија – Македонската алијанса за европска интеграција (МАЕИ), за општите парламентраните избори во Албанија, ја напуштаат досегашната коалиција со Социјалистичката партија на премиерот Еди Рама и коалицираат со партијата на новоизбраниот албански претседател Илир Мета.
Етничките Македонци, посебно поддржувачите на МАЕИ, не го кријат задоволството од новите политички ветришта во Албанија, особено после Резолуцијата во ЕП, но и лично од однесувањето на Илир Мета, кој, неколку пати, нагласи дека целта му е партнерство, а не политичко претопување на партијата на Македонците.
„Ова не е случајно, ова не е договор за да се стопи Македонска алијанса за европска интеграција (МЕАИ). Ова е договор за застапување на прекрасната македонска заедница во сите албански државни институции. Бидејќи, како што рече и Васил, Социјалистичкото движење за интеграција и Македонска алијанса за европска интеграција (МЕАИ) делат заеднички вредности за толеранција, сеопфатност и европската интеграција“, истакна Мета. на митингот одржан во Корча.
Мета упати порака дека правата на секоја од етничките заедници во Албанија се многу важни и се показател на степенот на демократија и толеранција во општеството.
На кандидатската листа за идни пратеници во албанскиот парламен, за изборната единица во Корча, за влез во парламентот, ќе се бори Васил Стерјоски, генерален секретар на МАЕИ, директор на комунално претпријатие во префектот Корча и познат активист за правата на Македонците во АЛбанија.
„Македонската Алијанса за европска интеграција , како партија која во својата програма има заштита на правата на македонската заедница во Албанија, владеењето на правото и европската интеграција на Албанија ги дели истите вредности со Социјалистичкото движење за интеграција, која е европска партија, сеопфатна и со извонреден придонес во консолидирање на демократијата во земјата“, изјави Стерјоски за Макфакс.
На заедничката кандидатската листа, има уште еден Македонец, од Мала Преспа, од селото Глобочани, исто така, познатиот активист, Ефтим Митрески./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.