Могерини: Го осуди нападот на Парламентот и практично го призна изборот на Талат Џафери како спикер

Се јави и шефицата на дипломатијата на ЕУ, Федерика Могерини, која го осуди се уште актуелниот напад на Парламентот  и практично го призна изборот на Талат Џафери како спикер.

Тоа е прво признание на политичката смена, која беше повод за вечерашниве трагички антидемократски настани, недостојни за земја кандидат за ЕУ.

Според Могерини актот на насилство во Парламентот е целосно неприфатлив и повика на смиреност и воздржаност.

Министерството за надворешни работи и полицијата мораат да ја осигураат  безбедноста на Парламентот  и на неговите членови.

ЕУ е убедена дека дека политичкиот дијалог во институциите е единствен начин за одење напред и ние ги повикуваме сите политички актери  да дејствуваат во духот на демократските принципи и здравиот разум, порача Могерини.

Таа потсетува дека Макеоднија е земја кандидат и дека е подготвена да работи со Парламентот на неопходните реформи за да оди земјата кон ЕУ.