Daily news
Обвинителство бара дополнителни вештачења за смртта на лекарката од Нефрологија
Два месеца од мистериозната смрт на лекарката од Нефрологија, Обвинителство ги проучува вештачењата за расветлување на овој случај. Основното јавно обвинителство – Скопје побарало дополнителни вештачења од Институтот за судска медицина и криминалистика и Министерството за внатрешни работи, велат за Макфакс од обвинителството.
По пристигнувањето и анализа на истите, ќе биде донесена јавнообвинителска одлука, додаваат оттаму. Дали веќе имаат првични сознанија од ДНК анализата, од видеонадзорот, како и дали е завршена фазата на сослушување, од обвинителството не одговорија.
Телото на 53-годишната Ј.М.С. беше пронајдено во станбен објект, во близина на Клиничкиот центар, со убодни рани од нож, во пределот на вратот и рацете.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
