Обединување на Исламска држава и Ал Каеда?

Исламска држава во Ирак и Сирија се наоѓа под голем притисок и го губи тлото под нозете, поради што досега реагираше со атентати, анализира Дојче веле. Сега најверојатно постои можност за повторно приближување со Ал Каеда, тврди потпретседателот на Ирак, Ијад Алави.

„Имаме доверливи информации дека посредници меѓу Исламска држава и Ал Каеда активно работат“ нагласи Алави.

Официјалните изјави од САД и Кина често звучат како да претстојното ослободување на Мосул значи крај на .н Исламска држава, како и на исламистичкиот тероризам воопшто. Американскиот министер за одбрана Џејмс Матис пред неколку деа изјави дека претседателот Доналд Трамп наредил „промена на тактиката, односно, Исламска држава да не се протерува од освоените подрачја, туку да се исцрпува опкружен во своите упоришта“. На тој начин, според Матис, целосно би се уништила Исламска држава.
Меѓутоа,борците на ИД кои се забарикадирани во Мосул, можеби ќе останат таму борејќи се до смрт. Тоа би можело да го снајде и нивниот лидер Абу Бакр ел Багдади, што би бил голем удар за терористичката организација, бидејќи, посочува Дојче веле, тој е оној кој во Мосул прогласи Калифат.

Од една видео снимка објавена на интернет, за која се смета дека ја испраќа Ајман ел Завахири, може да се заклучи дека тоа приближување се случува.

Во пораката, гласот кој му се припишува на Завахири, на своите приврзаници во Сирија им порачува: „Морате да се обедините со вашите браќа и џихадисти во Сирија и целиот свет. Сведоци сме на христијанска војна против муслиманите“.
Обединувањето на терористичките организации не му оди во корист ниту на првиот човек на Ал Каеда, ниту на лидерот на Исламска држава. Ёникој од нив не сака да се одрече од својата позиција.В.Д