Daily news
Ова се 11 знаци дека сте зависни од интернетот
Бројот на корисници на интернет секој ден е се поголем па и не не изненадува фактот дека се зголемува и зависноста од интернетот.
Иако многумина сметаат дека се работи за обична работа, зависноста од интернет може да има многу негативни последици, посебно ако го загрозува секојдневниот живот. За среќа, луѓето стануваат се повеќе свесни од овој проблем, кој погодува голем дел од популацијата, а ако се препознае на време зависноста може успешно да се излечи.
Прашајте се колку време дневно поминувате на интернет. Дали сте свесни за тоа време или воопшто не го забележувате? Ако по цели денови висите онлајн и не пропуштате да видите ниту една вест од социјалните мрежи, вие сте зависник.
Не го доведуваме во сомнеж фактот дека интернетот, во многу нешта ни го олесни нашиот секојдневен живот и го направи едноставен и забавен. Сепак, се поставува прашањето како да препознаеме дали поминуваме повеќе време на мрежата на сите мрежи?
За некои е незамисливо да се поминат неколку минути без врска со светот, а ако останат без пристап на интернет, поминуваат низ зависничка криза.
Симптомите кои укажуваат на зависност вклучуваат промена на расположението, растроеност, неможност за контролирање на времето кое го поминувате на интернет, како и се помалата желба за реалниот живот. Проблемот е што оваа зависност многу тешко може да се види, денес кога сите помалку или повеќе сме онлајн.
Значи, како да се препознае зависноста? Еве неколку знаци кои можат да укажат дека имате проблем.
1. Го занемарувате семејството и пријателите
Ако постојано одбивате да излезете со пријателите и сакате да останете дома и да сурфате на интернет, веројатно сте зависник. Сосема е нормално некогаш да не ви се излегува да се дружите со луѓето, но ако поради интернетот веќе подолго време одбивате да излезете, тогаш имате проблем.
2. Се откажувате од други активности
Луѓето кои се зависни од интернет имаат тенденција да ги занемарат останатите активности, во кои порано уживале, како спорт, музика, читање и други нешта. Ако сте забележале дека интернетот станал ваше единствено хоби, време е да побарате помош.
3. Чувстувате еуфорија кога сте онлјан
Зависниците од интернет се најсреќни кога се онлајн, а така ја храните својата зависност. Чувството на зголемена еуфорија кога сте на интернет е поврзано со зависноста или со висок степен на ризик од развој на истата.
4. Имате нарушен сон и нарушено спиење
Ако вашата рутина на спиење драматично е променета, тоа може да биде поради зависноста од интернет. Зависниците најчесто остануваат будни до доцна во ноќта бидејќи не можат да се тргнат од екранот, а потоа идниот ден не можат да се разбудат. Често се јавува несоница.
5. Промена на тежината
Луѓето кои поминуваат долго време пред компјутер најчесто се дебелеат. Причина за тоа е недостиг на физичка активност и нездрава хрнаа која ја јадат по цели денови висејќи на интернет. Од друга страна, постојат и луѓе кои поради својата зависност губат килограми бидејќи нивната зависност е толку силна, што едноставно не можат да се тргнат од компјутерот за да јадат.
6. Проблеми со очите
Постојаното гледање во екранот негативно влијае на нашите очи. Ако чувствувате замор, пецкање и суви очи додека гледате во екранот, можно е да сте претерале со времето поминато пред мониторот и време е да се тргнете.
7. Компулзивно сурфате и пребарувате на интернет
Ако опсесивно пребарувате случајни теми на интернет па поради тоа ги занемарувате другите работи и активности, а сте забележале и дека поради тоа ви се намалила продуктивноста, најверојатно сте зависни.
8. Чувствувате вина и срам поради времето кое го поминувате онлајн
Чувството на вина е знак дека сте свесни дека правите нешто лошо. Луѓето кои се зависни од нешто, најчесто долго време ја негираат својата зависност и не сакаат да признаат дека имаат проблем. Ако чувствувате вина и срам поради времето поминато на интернет, тоа е позитивно бидејќи значи дека сте свесни за својот проблем и така полесно ќе го решите.
9. Лажете за времето поминато на интернет
Овој знак произлегува од претходно наведената точка за чувство на вина. Луѓето кои се срамат од нешто, најчесто лажат за да го сокријат тоа. Ако лажете за времето поминато на интернет, веројатно предолго сте онлајн.
10. Постојано мислите на интернетот
Најверојатно имате зависнички проблем ако сте се фатиле сами себе дека размислувате за интернет додека вршите други активности и не можете да дочекате да бидете онлајн.
11. Поради интернетот трпи вашиот вистински живот
Ако поради интернетска зависност трпи вашиот приватен живот – семејството, пријателите, работата и други обврски, тогаш време е да побарате помош.
Ако кај себе ги препознавте наведените знаци, можеби е време да размислите за овој проблем и да побарате стручна помош пред работите да излезат од контрола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Бислимовски – Лорковски: Реформите во енергетиката мора да продолжат
Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Почувствуван земјотрес во Тетово и околината
Телеметриската сеизмолошка мрежа на Република Северна Македонија одржувана од Сеизмолошката опсерваторија при Природно-математичкиот факултет во Скопје, вчера вечер во 23...
Војници во влага, на перници стари со децении, со прибор стар 20 години и руинирани тоалети – синдикатот алармира по појавата на шуга во велешката касарна
Независниот синдикат на професионални војници, реагира поради појавата на шуга кај новопримените професионални војници во касарната „Алексо Демниевски – Бауман“...
Српската полиција се огласи по киднапирањето на Даниел Кајмакоски: Се трага по двајца осомничени
Министерството за внатрешни работи на Србија соопшти дека полицијата трага по две лица осомничени за киднапирање на македонскиот пејач Даниел...
(Видео) Договорено покачување на платите за околу 11.000 административци до 2028 година
Околу 11.000 вработени во јавната администрација, судовите и обвинителствата ќе добијат покачување на платите од речиси 40 отсто до 2028...
Кајмакоски е дома; Рашиќ: „Смирено и храбро се соочил со киднаперите, но му треба мир“
Mиланка Рашиќ, која е задолжена за односи со јавноста за Даниел Кајмакоски, соопшти дека разговарала со него по ноќта помината...
ВМРО-ДПМНЕ реагира: Заев се јави во одбрана на својот криминал, тој е таткото на бизнисот со канабис
Олицетворението на криминалот, главата на октоподот во корупцијата и лидерот на СДС од сенка, Зоран Заев се јави во одбрана...
Заев се закани со тужба, тврди дека не е поврзан со конфискацијата на канабисот и облакодерите во Дубаи: „Шират лаги и клевети“
Поранешниот премиер Зоран Заев преку статус на Фејсбук порача дека по пет години молк, сега е подготвен да одговори со...
Почина Бред Арнолд – пејачот на американскиот бенд 3 Doors Down
Бред Арнолд, пејачот и основач на американскиот рок-бенд 3 Doors Down, најпознат по хитовите „Kryptonite“, „When I’m Gone“ и „Here...
Во Дубаи уапсен сторителот на обидот за атентат врз рускиот генерал Алексеев, ФСБ уапси и соучесник во Москва
Сторителот на обидот за атентат врз генерал-полковникот на руската воена разузнавачка служба, Владимир Алексеев, беше приведен во Дубаи и предаден...
(Видео) Протести против Зимските олимписки игри во Милано: демонстрантите фрлаа димни бомби и шишиња кон полицијата
Илјадници луѓе се собраа во Милано на протест против Зимските олимписки игри само еден ден по церемонијата на отворање во...
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на...
Двегодишно дете со тешки телесни повреди од Битола пренесено во Скопје, го нападнале кучиња скитници додека си играло
Лекарите од Клиничката болница во Битола вчера во полиција приавиле дека примиле двегодишно дете со тешки телесни повреди по напад...
(Видео) Петрушевски: Од 27 тони запленета дрога, повеќе од две третини е на фирма на соработник на Зоран Заев
Над 2/3 од 27 тони запленета дрога е од фирма на кадар на СДС, соработник на Зоран Заев, рече денес...
Левица ќе иницира разрешување на Ристовска, имаат информации за понижување, викање и навреди во ДКСК
Наместо да ја насочи својата енергија кон расчистување на корупцијата, членката на Државната комисија за спречување на корупцијата (ДКСК), Цвета...
Низ разузнавачките канали протекоа детали за „Дмитриев пакет“, вреден е 12 трилиони долари, вели Зелениски
Украинскиот претседател Володимир Зеленски предупреди дека постои ризик САД и Русија да склучат билатерални договори кои се однесуваат на Украина,...
Судот нареди на администрацијата на Трамп да врати од Хондурас три депортирани семејства и да ги плати трошоците за враќање
Окружниот суд во Сан Диего пресуди федералната влада на САД да ги врати трите семејства од Хондурас, наведувајќи дека нивното...
Независниот полициски синдикат утре организира протестен марш во Битола: За закани за тепање и убивање полицајци се оди во притвор
Независниот полициски синдикат (НСП) утре во Битола организира марш за еднакво спроведување на законите кон сите сторители на кривични дела,...
Магла ја намали видливоста до 60 метри на патниот правец Гевгелија – граничен премин Богородица
Сообраќајот на државните патишта се одвива во зимски услови, по влажни коловози соопшти Авото-Мото Сојузот на Македонија (АМСМ), Намалена видливост...
Најдоцна до јуни реконструкција на владиниот кабинет, Ковачки е нов генерален секретар на партијата, соопшти Мицкоски
Денес заседаваше Централниот комитет на ВМРО-ДПМНЕ, на кој беа донесени важни одлуки за понатамошното јакнење и модернизација на партијата, истакна...
Полицајци, наставничка и пожарникар земале пари од граѓани за да им средат побрзо да извадат лични документи
Двајца полицајци, наставничка и пожарникар се осомничени за примање поткуп и примање награда за противзаконито влијание односно за пари овозможувале граѓаните...
