Од следниот месец ќе се исплаќа минимална плата од 12.000 денари

Владата предводена од СДСМ и парламентарното мнозинство ги реализираат ветувањата дадени кон граѓаните, усвоен е Законот за минималната плата и веќе од следниот месец на работниците ќе им се исплаќа повисока плата од 12.000 денари, а фирмите ќе бидат финансиски поддржани од државата во реализацијата на оваа мерка, порачаа од СДСМ.

„Ова е првиот значаен чекор со кој се отвора спиралата на севкупен раст на платите, а ефектите директно ќе ги почувствуваат речиси 130.000 работници кои ќе добиваат повисока плата“, се вели во соопштението од партијата.

Со овој закон се исправа долгогодишната неправда кон работниците од кожарската и текстилната индустрија, кои исто така ќе земаат минимална плата во висина од 12.000 денари за разлика од претходно кога земаа плата пониска од минимално утврдената, се додава во соопштението.