Пратениците од СДСМ повторно побараа да не се узурпира говорницата

Горан Манојловски од ВМРО-ДПМНЕ одговара на реплики и контрареплики.
Да престане узурпирањето на собраниската говорница, да се деблокира собранието и обезбеди мирен трнафер на власта, во процедурална забелешка побара пратеничката Татјана Прентовиќ од СДСМ, во вотриот дел од собраниската седница.

„Се јавив за процедурално господине Вељановски за да ми објасните како можете да го кршите деловниот и уставот и да учествувате во оваа блокада. Го кршите членот 90 и се прашувам како може уште да сте преседавач. Како ќе им објасните на луѓето кои чекаат субвенции веќе 7 месеци, во услови кога инститициите се закочени, а Министерот за финасии на пат за Америка?, рече пратеничката Прентовиќ , обраќајќи му се на Вељановски.

Претседавачот Вељановски не ја прифати забелешката и рече дека ја користела за изнесување на политички ставови.

„За држење на прес-конференции колешке имата сала и таму искажете се. Ве молам да се злоупотребува процедуралното за политички пораки, рече Вељановски.

По оваа настана бука од меѓусебни довикувања помеѓу пратениците по што преседавчот Вељановски даде пауза од половина час.

Инаку во попладневното продолжение на собраниската седница,се исцрпе дискусијата од реплики и контра реплики на пратеничката Благица Ласовска,по што збор доби нејзиниот колега од ВМРО-ДПМНЕ, Горан Манојловски.Тој е 11-тиот од вкупно 50 пријавени пратеници за збор. крај/мф/гд