Контакт

Daily news

ПРОТЕСТ: Морална осуда и казна затвор за убиецот на кучето Идриз

Објавено пред

Убиец! Затвор! Кој посегнал да убие куче, утре ќе убие дете!, беа само дел од скандирањата на стотина револтирани граѓани, што денеска после пладне  протестираа пред зградата на човекот, што вчера околу 17.00 часот, ладнокрвно со секира закла куче на плочникот пред кафулето „Радио бар“.

Освен јавна морална осуда,насобраните побараа и кривична одговорност за сторителот на овој грозоморен чин, што според законот, треба да одговара за повеќе кривични дела.

Од Здружението за заштита на животните „Анима мунди“, велат дека ќе следуваат кривични пријави, по повеќе основи, а казната може да биде од 5 до 15 години затвор.

– Овој човек што вчера си дозволил со секира да убие куче, верувајте дека е подготвен утре сред бел ден на кој било да му ја отсече главата. Казната што според ова дело може да ја добие за мачење и малтретирање на животно е затвор од една година. Меѓутоа, ние ќе поднесеме кривични пријави за предизвикување на општа опасност и во договор со нашите адвокатски тимови ќе поднесеме уште неколку обвиненија,кои можат да се санкционираат и од 5 до 15 години затвор. Мора да се преземат итни законски санкции, за да стане јасно дека никој никогаш повеќе не смее да стори ништо слично, изјави претставник од ова Здружение.

Протестот го обезбедуваа десетина полицајци. Иако вчера, сторителот на ова дело бил приведен, по краткиот разговор, наводно било констатирано дека тој е нервно растроен и бил пуштен дома.

ОЧЕВИДЦИТЕ ТВРДАТ ДЕКА КУЧЕТО НЕ БИЛО АГРЕСИВНО

Кучето Идриз, било старо една година, не било агресивно, и пред неколку дена од „Анима мунди“ го вакцинирале и го подготвиле за да го згрижат во стационар. Соседите и оние кои секојдневно го среќавале “монструмот“ никогаш претходно не забележале некаква агресија кај него, но тоа не ја исклучува можноста дека иако не било јавно, тој сторил нешто слично претходно. Поранешни соседи на убиецот на Идриз, кои се грижеле за бездомните кучиња и мачки, велат дека се случувало да ги најдат отруени, но никогаш не се посомневале во него. Во овој дел од градот посебно се води грижа за бездомните кучиња. Се евидентира бројноста, и доколку е потребно се стерилизираат. Не се случило некое куче да нападне човек ниту пак се движат во глутници кои лаат и ги вознемируваат станарите.

Исто така Идриз бил миленик на локалните минувачи и жители кои велат дека бил добронамерен млад пес, кој никому не му пречел.

ПСИХОЛОШКА АНАЛИЗА НА УБИЕЦОТ

Според психологот Мирјана Јованов, не може точно да се каже во каква состојба на ум бил човекот што јавно уби куче, но наликува дека станува збор за афект.

– Ова е чин на агресија, но како и зошто тој бил предизвикан не може да се каже, освен ако човекот не биде подложен на психолошка анализа. Јасно е дека има отсуство на самоконтрола. Не може да се утврди дали е некоја социопатија, траума или пак има некое заболување што ја поттикнало промената на свеста и резултурало со ваков афект, ни рече Јованов.

Иако овој човек предизвика траума кај очевидците ( за што може да добие индивидулани тужби за нанесување на душевна траума), според Јованов и самиот е веројатно некој на кого му е потрребна психолошка помош.

– Постојано апелираме дека треба да се подигне свеста за менталното здравје, и луѓето што чувствуваат нагласена лутина, тага ила каква било останата нагласена емоционална нестабилност, да побраат помош од псхоилог, смета таа.

НЕ Е БЕЗБЕДНО ДОДЕКА СТОРИТЕЛОТ  Е НА СЛОБОДА

 

Насобраните граѓани, кон влезот каде што живее убиецот на кучето, во знак на протест фрлаа кучешки измет а на плочникот каде што сеуште има крвави траги од настанот запалија свеќи. Тие нема да се откажат од барањата додека надлежните не ги преземат законските мерки.

– Мора итно да се делува, овој човек да биде санкциониран, и понесе одговорност. Ако ова злодело не биде интно казнето, истото може да се случи и друг пат. Тој е на слобода и сигурни сме дека во моментров ладнокрвно ги слуша нашите скандирања како што без никакви емоции вчера стори убиство, согласни беа голем дел од насобраните граѓани.

Очевидците велат дека пред да се случи убиството, кучето Идриз седело мирно на плочникот, дури немало ни никаков лаеж што го предизвикал убиецот. крај/мф/ав



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Свет3 часа

Уапсен германски лекар кој снимил силување на пациентка

Уапсен е болнички лекар од евангелистичката клиника „Бетел“ во Билефелд под сомнение дека им давал седативи на жени што доаѓале...

Македонија4 часа

(Видео) Мицкоски: Бараме да предложиме независен јавен обвинител за борба против мафијата

„Правдата во Македонија е нападната. Селективната правда денеска во Македонија е неправда. Имаме невини луѓе во затвори, луѓе што страдаат...

Свет5 часа

Нов Зеланд укина поголем дел од рестрикциите против пандемијата

Маските за лице повеќе не се задолжителни во поголем дел од Нов Зеланд бидејќи случаите на Ковид-19 продолжуваат да опаѓаат....

Свет7 часа

(Видео) Евакуирана Ајфеловата кула поради закана за бомба

Ајфеловата кула во Париз е евакуирана поради телефонски повик дека е поставена бомба, а целата област околу обележјето е блокирана....

Свет7 часа

Хајко Мас во карантин

Германскиот министер за надворешни работи, Хајко Мас, од денеска е во карантин по утврдувањето дека еден од неговите телохранители има...

Македонија7 часа

Владата даде согласност – во 169 училишта може да има настава со физичко присуство

Владата на својата 5. седница, одржана на 22 септември, го усвои и извештајот за работата на Комисијата за разгледување поднесени...

Македонија8 часа

(Видео) Пендаровски: Овој вител на кризи и закани генерира страв, потребна е солидарност меѓу државите

„Чест ми што имам можност првпат да се обратам од името на Република Северна Македонија на овој глобален форум, кој...

Македонија9 часа

Нови 183 заболени и петмина починати од Ковид-19 во земјава

Министерството за здравство информира дека во последните 24 часа се направени 1.769 тестирања, а регистрирани се 183 нови случаи на...

Македонија10 часа

Спотовите на ВМРО-ДПМНЕ со ликот на Русковска предизвикале болка и анксиозност кај обвинителката

Изборните спотови со ликот на Вилма Русковска кои се емитуваа по нарачка на ВМРО-ДПМНЕ предизвикале душевна болка и анксиозност кај...

Регион10 часа

Трите коалиции го поддржаа Кривокапиќ за мандатар на новата влада во Црна Гора

Здравко Кривокапиќ ќе биде мандатар за состав на новата влада во Црна Гора, одлучија пратениците на трите коалиции, пренесуваат црногорските...

Македонија10 часа

Бошковски од Инфективна: „Состојбата ми е подобра, се чувствувам одлично“

Состојбата ми е подобра, се чувствувам одлично, вели лидерот на партијата Обединети за Македонија, Љубе Бошковски, по информацијата дека синоќа...

Македонија11 час

Поради несослушани сведоци, одбиени докази и толкувани снимки, Миланов смета дека Јанакиески е жртва во „Насилство во Центар“

Ако се суди според казнената политиката не би требало да има ништо повеќе од условни казни, а Миле Јанакиески е...

Свет11 час

Путин: Во Русија наскоро ќе биде регистрирана уште една вакцина против коронавирус

Рускиот претседател Владимир Путин изјави дека наскоро ќе биде регистрирана втората руска вакцина против коронавирусот. „Наскоро ќе биде регистрирана друга...

Македонија12 часа

Извештај на ИЈЗ: Пораст на бројот на новозаразени и починати за една недела

Согласно извештајот на Институтот за јавно здравје кој се однесува на периодот од 14 до 20 септември, регистрирани се вкупно...

Македонија12 часа

Родителите кои беа ослободени со мерките и хронично болните се враќаат на работа

Од денеска, со одлука на Владата, дел од групите кои целосно беа ослободени од работа поради состојбата со коронавирусот, се...

Македонија12 часа

(Видео) Заев – Гир: За неколку месеци очекуваме успешна завршница на подготовките на преговарачката рамка

Претседателот на Владата, Зоран Заев, денеска го прими новоименуваниот амбасадор на ЕУ во нашата земја, неговата екселенција Дејвид Гир. Тој...

Европа14 часа

Лукашенко ненајавено положи заклетва за претседател

Александар Лукашенко денеска ненадејно и без најава положи заклетва за новиот претседателски мандат, пренесува државната новинска агенција „Белта“. Церемонијата за...

Европа14 часа

Жестоки реакции против новите мерки во Британија, можно е да се вмеша и војската

Новите рестриктивни мерки што ги објави премиерот на Велика Британија, Борис Џонсон, против ширењето на коронавирусот, наидоа на жестоки реакции...

Свет15 часа

Jапонска компанија тврди дека има лек кој го скратува времето на закрепнување од Ковид-19

Jапонската компанија „Фуџифилм“ објави дека нејзиниот лек „Авиган“, веќе одобрен за потешките групи, обезбедил статистички значајно намалување на времето за...

Македонија15 часа

Анализа: Најголемо зголемување на вработените во полицијата, а најголемо намалување во одбраната

Центарот за граѓански комуникации (ЦГК) ги објави истражувањето и базата на податоци на вработувањата во министерствата и општините во последните...

Досие