Рама: Албанците во Македонија не треба да бидат алиби за конфликт

Албанскиот премиер Албанија, Еди Рама оцени дека последните настани во Македонија се борба за власт, во која како алиби се вклучени Албанците.  Тој ги повика Албанците на мир и трпение и во овие тешки услови со цел не  дозволат да бидат искористени за конфликт.

„Имаме право да ги потсетиме нашите соседи Македонци дека би сакале многу Албанците во Македонија кои не се малцинство, туку се државотворно население, да ги уживаат почитта, слободите и правата рамноправно со Македонците. Ние сакаме стабилна Македонија, демократски и економски развиена, бидејќи ние сакаме Македонија да биде пример на хармонија меѓу соседите и да биде место каде ниеден Албанец не се чувствува како граѓанин од втор ред. Повторениот повик за мир, трпение и за што повеќе волја и во овие тешки услови за да не се вклучиме во политички конфликт и да не дозволиме Албанците да не се наведуваат како алиби за тој конфликт е израз во целосна смисла на нашата голема желба Македонија да ја надмине оваа криза која продолжува да ескалира, каде за жал, во борбата за власт Албанците се вклучија како алиби„– изјави Еди Рама. крај/мф