СДСМ уверува: Исплатата на минималната плата веќе е во тек

ВМРО-ДПМНЕ шири лажни вести, исплатата на минимална плата веќе е во тек, реагираа денеска од СДСМ на, како што велат, лажните вести пласирани  во дел од медиумите блиски до Никола Груевски.

„Вистината е дека исплатата на минимална плата веќе е во тек. Со ребалансот на Буџетот обезбедени се средства за покачување на минималната плата.Министерството за финансии веќе ја извршува исплатата на државната помош кон фирмите кои имаат законска обврска да исплатат минимална плата од 12.000 денари на своите работници, на начин предвиден со последните измени на Законот за минимална плата. Тоа значи дека почнувајќи од септември сите работници во Република Македонија кои работат за минимална плата ќе добијат плата од 12.000 денари.

Ниту една тенденциозна лажна вест нема да го сокрие фактот дека за  септември работниците ќе добијат повисока минимална плата, а фирмите ќе ја добијат државната поддршка што им следува по закон“, стои во реакцијата од оваа партија.