Турција објави награда од 77 илјади евра за апсење на тројца ѓуленисти во Белгија

Турција објави награда од 77 илјади евра за апсење на наводни следбеници на проповедникот Фетуллах Ѓулен, пишува белгискиот весник “Де Стандаад”, цитиран од БНР. Според турските власти тројцата најбарани мажи се наоѓаат на белгиска територија и биле дел од движењето на Ѓулен, кој е обвинет за огранизиранииот обид за државен удар против претседателот Реџеп Таип Ердоган, кој се случи минатата година.

Имињата на најбараните лица не се споменуваат, но адвокатот на едниот за весникот вели дека неговиот клиент стравува од киднапирање кое може да го направи турската мафија во Белгија. Тој планира да поднесе жалба до Европскиот суд за човекови права, бидејќи турските судии дури не издале меѓународна потерница за негово апсење.

Во меѓувреме вчера стана познато дека речиси 4 илјади вработени од државната администрација, војниции жандарми беа отпуштени во Турција. По обидот за преврат во Турција досега се отпуштени веќе околу 120 илјади лица во јавниот и приватниот сектор, а над 40 илјади се уапсени.

Освен тоа вчера се дозна дека турската влада го забрани емитувањето на најпопуларните телевизиски емисии. Истовремено интернет корисниците во Турција останаа без пристап до “Википедија”. Денес се дозна дека причината за блокирањето на онлајн енциклопедијата е оцрнување  на имиџот на Турција.крај/мф/кс