Уапсени уште две лица поврзани со нападот во Манчестер

Британската полиција уапси уште две лица кои се поврзани со терористичкиот напад во Манчестер, со што бројот на уапсени лице сега изнесува осум луѓе.

Покрај тоа, полицијата и безбедносните служби, пронашле уште експлозивни направи и експлозив кој можел да биде употребен по терористичкиот чин во „Манчестер арена“, кога во понеделникот загинаа 22 лица, а речиси 60 беа повредени.

Како што објави „Индепендет“ една експлозивна направа била уништена во контролирана експлозија.

Безбедносните служби се загрижени дека другите бомби ги направила мрежата на осомничени со намера да изведе нови напади, пренесе агенцијата Ројтерс.

Британските медиуми, во меѓувреме, објавија имиња на уште две жртви, Клои Рутерфорд (17) и нејзиното момче Лијам Кари (19).

„Таа ноќ нашата ќерка Клои и нашиот син Лијам умреа, нивните крилја беа подготвени, но нашите срца не се. Беа совршени на секаков начин и беа створени еден за друг. Сакаа да бидат заедно засекогаш“, се наведува во заедничкото соопштение на семејствата и полицијата.

Исто така, британската полиција соопшти дека метро станицата која се наоѓа во близина на „Манчестер арена“ ќе биде затворена уште некои време и дека легендата на Манчестер Јунајтед, Вејн Руни донира 100.000 фунти за жртвите и нивните семејства. крај/мф/нц