Контакт

Daily news

(Видео) Фантоми во дивоградбите, живеат во Кисела Вода гласаат во други општини

Објавено пред

Општина Кисела Вода остана без најмалку 200 гласа од граѓани кои живеат во станови-дивоградби. За Општината се фантоми, не постојат. Гласаат во други општини иако живеат во Кисела Вода оти немаат можност да си извадат лични карти на адресите на кои реално живеат.

Урбанистите велат дека ваквите проблеми на граѓаните се сосема очекувана ситуација по масовното дивоградење во Кисела Вода последниве две децении. И не случајно, најмногу гласови Општината губи во згради што ги изградиле фирмите кои Државниот градежен инспекторат пред петнаесетина години ги стави на црна листа и преку кампањата „Отворете очи“ им порача на граѓаните да не купуваат станови во згради за кои нема имотни листови.

На списокот тогаш се најдоа „Самарија“, „ФИ-КОМ“, „ГИА инженеринг“, „Конартис“ и многу други. Но, и покрај кампањата и јавно укажаните проблеми, стотици граѓани беа измамени откако сомнителните фирми еден стан истовремено го продаваа на повеќе лица. Голем дел од таквите згради сè уште зјаат невселени и за нив се во тек судски постапки, но не е мал бројот и на оние кои се вселени и покрај тоа што се дивоградби.

Една од вселените дивоградби во Кисела Вода, исполнета од првиот до последниот кат, е зградата број 10 б на улицата Емил Зола. Објектот има приземје, три ката и потпокрив. Изградена е на местото на семејна куќа од 1936 година, која фирмата „ГИА инженеринг“ ја урнала, а сопствениците заминале под кирија со договор да останат таму сè до завршување на градбата. Дел од нив сега жиеват во зградата дивоградба. Сашо Стефановски е станар во потпокривот.

„На овие локални избори ќе гласам во Карпош, а десет години живеам во Кисела Вода и десет години не можам да влијаам на животот во општината, поради општината. Поради тоа што во 2005 година тогашниот градоначалник, дали поради манипулација, дали поради нешто друго, ни овозможи да живееме во дивоградба. Тоа е зграда со 17 стана.  И покрај сите напори за легализација со Законот за легализација и сите случувања, ние сè уште не можеме да си извадиме лична карта и да си гласаме во општината во којашто живееме“,  вели Стефановски.

Тој и неговото семејство велат дека внимавале која фирма ќе ја одберат за коинвеститор токму поради бројните злоупотреби. Ја одбрале „ГИА инженеринг“ во конкуренција со уште две, како најдобра. Ги провериле сите претходно изградени објекти на фирмата и истражувањето покажало дека можат да ѝ веруваат, но вербата траела помалку од две години. Во 2007 година сопственикот на „ГИА инженеринг“ беше уапсен поради измама со продажба на станови, главно на други локации, а нивната зграда останала недоградена. За да не живеат под кирија, се организирале сами да го довршат она што треба, за да се вселат во зградата. Велат дека имале среќа што земјиштето останало во нивна сопственост, а на инвеститорот на секои шест месеци му давале овластување за работа. Кога тој заминал во затвор, работата ја продолжиле на свој трошок. Успеале да воведат струја, вода и почнале да се вселуваат, но не им тргнало од рака да ја легализираат зградата. Таа во Општина Кисела Вода се води како дивоградба поради неплатени комуналии, за кои инвеститорот веќе им наплатил на станарите.

Станарите десет години гласаат во други општини иако живеат во Кисела Вода оти немаат можност да си извадат лични карти на адресите на кои реално живеат

„Зградата е дивоградба, а направена беше 95 проценти кога беше уапсен коинвеститорот Ѓорги Шоптрајанов од фирмата ГИА и од тогаш ние се снаоѓаме како знаеме со приклучоци за да имаме нешто. Полулегално се приклучивме, денеска ги плаќаме најрегуларно сите комуналии. струја, вода, телекомуникации… Со Законот за легализација десет години не успеваме да ја легализираме од разно-разни причини. Имаше спорни станови, имаше судски процеси за два стана. Во зградата има 17 стана, два беа спорни, за нив се водеше судска постапка. Тие два стана ја стопираат легализацијата на целата зграда. Образложението беше дека е така во законот, в ред, така е, сега тие спорови се завршени, но становите сè уште не ни се легални, а тоа требаше по автоматизам самата Општина да го покрене. Е сега, ние сакаме преку адвокати да си ја средиме работата што ни тежи. Без имотен лист ние немаме ништо. Немаш право на глас, не го поседуваш станот, не можеш ништо да правиш со него, не можеш да го дадеш под закуп, под хипотека, не можеш да го продадеш, ништо не можеш да направиш“, вели Стефановски.

Тој и неговите соседи секојдневно стравуваат дека на врата ќе им се појави полиција да ги казни оти личните карти не им се усогласени со местото на живеење. По десет години, годинава првпат полицијата им дошла во контрола.

„Полицијата може да нè  казни што немаме лична карта на местото на живеење. Годинава полицијата нè посети  за првпат. Десет години нè посетуваат политички партии, тие знаат дека во оваа зграда има луѓе кои живеат во неа, ама ние сме ни на небо ни на земја. Можеби полицијата нè посети за да нè казни зашто сме на погрешно место со погрешна лична карта“, се посомнева Стефановски.

Од Министерството за внатрешни работи велат дека согласно со член 3 од Законот за пријавување на живеалиште и престојувалиште на граѓаните, при промена на живеалиштето секој граѓанин е должен да го одјави претходното и да го пријави новото живеалиште во рок од осум дена од денот на иселувањето, во спротивно следуваат соодветни санкции согласно со законот.

За контролата што ја направиле во зградата од МВР велат дека полицијата врши контрола на пријавување и одјавување на живеалиштето и престојувалиштето на граѓаните, односно на промената на адресата на станот во постапки по поднесени барања од граѓаните. Доколку се утврди дека лицето не живее на пријавената адреса, се носи решение за поништување на пријавата и бришење на лицето од евиденцијата за живеалиштето. Дали им напишале казни на станарите, од МВР не кажаа.

Иако заградата е невидлива за Општина Кисела Вода, Град Скопје наплаќа данок, но само за еден стан.

„Данок на имот не плаќаме оти немаме имотни листови, но плаќа една од сопственичките на плацот, која сè уште во Кататстар се води како сопственичка на земјиштето на коешто е изградена зградата, тоа е мајка ми. Таа е и единствена од цела зграда од 17 стана којашто плаќа радиодифузна такса. Иако личната карта не ѝ се води на ‘Емил Зола 10 б’, на којашто сега се води зградата, туку на „Емил Зола 22′, број кој не постои дваесет години, таа си плаќа радиодифузна такса на таа адреса и данок на имот на истата адреса. Долга беше преписката со Град Скопје. Дојде до компромис поради тоа што данокот беше преголем за површината, 800 денари. Благодарение на елеборатот којшто мајка ми таму го поднела за станот којшто сега го поседува, плаќа 600 денари годишно, значи жената е ќар 200 денари. Од другите 16 стана никој не плаќа“, вели Стефановски.

Од Градот потврдија дека иако има цела зграда, данок плаќа само еден стан и така ќе остане сè додека не се легализира објектот. Понатаму ќе решаваат за секој стан поединечно.

Општина Кисела Вода не одговори на прашањата од „Макфакс“ за заглавената легализација на зградата. Станарите велат дека ист таков третман од Општината, молчење, добивале цела деценија.  Се надеваат дека по изборите ќе успеат да стигнат до некој во Општината којшто ќе постапи по нивниот предмет.

Градоначалничката на заминување, Билјана Беличанец, извести дека од вкупно  13.855 поднесени барања за легализација, легализирани се 5.561 објект кој се водел како дивоградба, а за 2646 објекти се поднесени барања, но недостигаат геодетски елаборати.

Освен зградата на Стефановски, со 17 стана, само на улицата Емил Зола има уште неколку згради дивоградби по разни основи. Во зградата број шест, два влеза со по 22-24 стана се дел од уште една дивоградба, но станарите не сакаат јавно да зборуваат. Само на оваа улица  Општината на секои избори губи најмалку 200 гласа од дивоградбите.

М.И.П.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија2 минути

ИВЗ: Судот не одлучува кој ќе биде реис, ако е така нека кажат и кој да биде поглавар на МПЦ

Судот не е тој што одлучува кој ќе биде реис, ако е така нека кажат и кој да биде поглавар...

Свет2 часа

В четврток прва средба меѓу Путин и Ким на рускиот Далечен Исток

Севернокорејскиот лидер, Ким Џонг-ун, в четврток ќе се состане со рускиот претседател, Владимир Путин, на рускиот Далечен Исток, објави советникот...

Свет6 часа

(Видео) Камерите снимија терорист кој влегува во црквата непосредно пред масакрот

Медиумите на Шри Ланка објавија снимка од надзорните камери снимена непосредно пред еден од нападите. Како што известува „Гардијан“, се...

Македонија7 часа

Северна Македонија или Македонија? Караџовски и Адеми расправаa како да ја пишува државата на извештајот

Членовите на Судскиот совет го изгласаа годишниот извештај за работата за 2018 година, но претходно претседателот Зоран Караџовски и членот...

Топ7 часа

Мицкоски: Не е до чистката, туку проблемот е до тој што треба да исчисти

По најавите на премиерот Зоран Заев дека власта ја примила пораката од граѓаните и дека ќе следуваат кадровски промени, лидерот...

Топ7 часа

Поднесено обвинение против родителите чии деца загинаа во пожар во Велес

Против мајката и таткото, чии деца во јуни минатата година загинаа во пожар во куќа во Велес, е поднесено обвинение...

Македонија8 часа

(Видео) Таткото на Саздовски: Родителите да кажат каде е третиот осомничен, кој е во бегство

Ни една мајка не треба да го закопа својот син, казната е толкава колку што е предвидено во законот. Не...

Македонија9 часа

(Видео) По 19 години затвор за убијците на Никола Саздовски

Кривичниот суд во Скопје им одреди по 19 години затвор на Бесим Беља и Скендер Демири, кои на 29 јуни...

Свет9 часа

Евакуирана Сиднејската опера поради истекување гас

Стотици луѓе се евакуирани денес од Сиднејската опера и околината поради истекување гас, а раководството на куќата објави дека настапите...

Регион10 часа

Убиецот на бугарската телевизиска новинарка осуден на 30 години затвор

Бугарскиот суд го осуди Северин Красимиров на 30 години затвор за силување и убиство на телевизиската новинарка Викторија Маринова. Телото...

Свет10 часа

(Видео) Базен на врвот на висококатница се излеа за време на земјотресот во Манила

Филипините вчера ги погоди силен земјотрес со интензитет од 6,3 степени според Рихтер поради што се тресеа многу згради, а...

Свет11 час

Најмалку 11 жртви и 24 исчезнати во земјотресот во Филипини

Најмалку 11 лица загинаа, 24 исчезнати, а повеќе од 80 се повредени во земјотрес со јачина од 6,1 степен, кој...

Топ21 час

(Видео) Дац му подари метла на Заев, премиерот возврати – чистка ќе има

Актерот Драган Спасов Дац на вечерашната трибина на СДСМ во Карпош му подари метла на премиерот Зоран Заев, порачувајќи му...

Европа1 ден

Курц ја осуди песната во која мигранти се споредуваат со стаорци

Aвстрискиот канцелар, Себастијан Курц, побара од помалиот партнер во владејачката коалиција, десничарската Партија на слободата на Австрија, да се дистанцира...

Избори 20191 ден

(Видео) Поништено гласањето на избирачко место во Ѓорче Петров, имало вишок гласачки ливчиња во кутијата

Три гласачки ливчиња повеќе во кутијата од бројот на гласачи нотира Државната изборна комисија во едно избирачко место во општина...

Свет1 ден

Кои се жртвите во Шри Ланка: Деца, познати готвачи, келнери, политичари…

Во терористичките напади во Шри Ланка загинаа најмалку 290 луѓе, а повеќе од 500 се повредени. Меѓу нив, повеќето луѓе...

Избори 20191 ден

ОБСЕ: Изборите беа добро спроведени, но потребна е реформа на изборното законодавство

Во првиот круг на претседателските избори гласачите беа во можност да се информираат пред да го направат својот избор помеѓу...

Македонија1 ден

(Видео) Николоски го наклеветил Вице Заев, но нема да му плати 30 илјади денари отштета

Судијката од Основниот суд Скопје 2, Кети Германова, заедно со двајца судии поротници, донесе пресуда со која утврди дека потпретседателот...

Избори 20191 ден

(Видео) Јанушев: Со постигнатите резултати ВМРО-ДПМНЕ би освоила 53 пратенички мандати, а СДСМ – 41

Вчера се потврди дека кај граѓаните има апатија поради криминалот, корупцијата и сиромаштијата, порача генералниот секретар на ВМРО-ДПМНЕ, Игор Јанушев,...

Избори 20191 ден

(Видео) Пендаровски: Не сум изненаден од резултатот, ја разбрав пораката на граѓаните

Претседтелскиот кандидат Стево Пендаровски вели дека не е изненаден од резултатите од гласањето и дека ја разбрал пораката на граѓаните....

Досие