Контакт

Daily news

Финансиската полиција влезе во Институтот за сметководители

Објавено пред

Министерството за финансии не дало позитивно мислење за разрешување на Папазовска

Скандалите во Институтот за сметководители почна да ги истражува Управата за финансиска полиција. Од таму велат дека денес влегле во Институтот, а со истрага ќе продолжат и во следните денови. Ги истражуваат материјално-финансиското работење и сомнежите дека одлуките во Институтот ги носеле луѓе што не се дел од него.

Министерството за финансии го потврди скандалот во Институтот во врска со разрешувањето на претседателката Ленче Папазовска, што вчера го објави „Макфакс“. Од Министерството велат дека не издале позитивно мислење за нејзино разрешување иако веќе еден месец таа не е на функцијата. За смена на претседателот на Управниот одбор, кој во исто време е и претседател на Институтот, Надзорниот одбор, кој ги назначува, е обврзан да добие позитивно мислење од Министерството за финансии.

На прашањата од „Макфакс“ зошто не издале позитивно мислење за смената на претседателката, од Министерството за финансии кусо одговараат: „Министерството за финансии во согласност со законските прописи даде мислење кое е објавено на веб-страницата на ИСОС во врска со барањето на Надзорниот одбор за давање позитивно мислење за именување претседател на Управниот одбор“.

На веб-страницата на Институтот е објавен документ во кој Министерството за финансии му се обраќа на претседателот на Надзорниот одбор, Саша Раденковиќ, како одговор на неговото барање од 29. 12.2017 година, а истиот одговор е испратен и до претседателката Ленче Папазовска.

„До Министерството за финансии не е поднесено барање за добивање позитивно мислење за отповикување на постојниот претседател на Управниот одбор на Институтот. Поради тоа, не се создадени законски основи за отповикување на постојниот претседател и избор на нов претседател на Управниот одбор“, стои во одговорот од Министерството за финансии.

Од Министерството не одговорија на прашањата дали и што ќе преземат по непочитуваната постапка за разрешување на Папазовска.

Финансиската полиција ги истражува материјално-финансиското работење и сомнежите дека одлуките во Институтот ги носеле луѓе што не се дел од него

Претседателот, пак, на Надзорниот одбор, Саша Раденковиќ, тврди дека барање за позитивно мислење за разрешување на Папазовска и за назначување нов претседател на Институтот поднеле уште минатиот месец. Тој за „Макфакс“ ја покажа целата преписка со Министерството, според која, првото обраќање до Министерството им било на 29.12.2017 година, една недела откако донеле одлука за разрешување на Папазовска. Во истиот допис бараат позитивно мислење за нејзино разрешување и за назначување нов претседател. Втората преписка е од 9 јануари годинава кога ја дополниле документација и го повториле барањето за разрешување на постојната претседателка и назначување нов претседател, а вчера им испратиле ургенција за постапување, со која, меѓу другото, го известуваат Министерството дека со непостапување по нивното барање се блокира работата на Институтот, со што може да настане трајна штета за организацијата, но и за членовите сметководители.

„Ве известуваме дека доколку не постапите со највисок степен на итност за издавање позитивно мислење по нашите дописи, се оградуваме од одговорност за штетите што би настанале од вашето непостапување“, стои во ургенцијата во која образложуваат дека се одлучиле за разрешување на досегашната претседателка поради нетранспарентно финансиско работење и оти на Надзорниот одбор не му овозможиле да направи контрола на материјално-финансиското работење.

Проблемите во работењето на Институтот, според сметководителите, ескалирале по надзорот што летово го направило Министерството за финасии кога биле утврдени низа пропусти и нетранспарентни постапки поради кои се договориле сите органи да се самораспуштат и да почнат постапка за формирање нови. Требало да се распуштат и Надзорниот и Управниот одбор и целото Собрание, но сметководителите велат дека Надзорниот одбор не го почитувал договорот и пред да се одржи седницата за самораспуштање, ја разрешил претседателката.

Претседателот на Надзорниот одбор, Саша Раденковиќ, најави дека, поради презафатеност, в петок ќе даде објаснување за разрешувањето на претседателката и за состојбите во Институтот.

Иснтитутот нема претседател од 22. 12. 2017 година кога била донесена одлуката за разрешување на Папазовска и од тогаш нема кој да ги потпишува лиценците и одобренијата.

(М.И.П.)

Скандали го тресат Институтот за сметководители – ќерки, снаи и зетовци откриени во управните органи



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија22 минути

Осумдесет од новите случаи кажале дека немале контакт со заболено лице

Сто лица од новите 180 заразени со коронавирус кажале дека во изминатиот период имале контакт со потврден случај инфициран од...

Македонија55 минути

НАкС: Со одлуката на Владата повеќе нема правна дилема за спроведување на изборите на УКИМ

Со одлуката на Владата  да се стават во мирување сите активности за избор на органи на управување повеќе нема правна...

Регион1 час

Вучиќ: Нема среќно решение за Косово

Српскиот претседател, Александар Вучиќ, изјави денеска дека кога станува збор за Косово, нема среќно решение за Србија и дека, какво...

Свет2 часа

Минеаполис им забрани на полицајците да применуваат сила со задушување при апсење

Градското собрание на Минеаполис донесе одлука за забрана за задушување на лице за време на полициско апсење. Одлуката доаѓа по...

Свет4 часа

(Видео) Џастин Трудо клекна на колена во знак на поддршка на демонстрантите

Премиерот на Канада, Џастин Трудо, клекна на колена во знак на солидарност со демонстрантите на вчерашниот протест против расизмот што...

Свет4 часа

(Видео) Трамп: Ова е прекрасен ден за Флојд

Претседателот на САД, Доналд Трамп, за време на конференцијата за економското закрепнување на Америка, зборуваше и за протестите по убиството...

Спорт5 часа

Брендот Џордан ќе донира 100 милиони долари за борбата против расизмот

Брендот „Џордан“ во наредните 10 години, поради убиството на Џорџ Флојд и новонастанатата ситуација во САД, ќе донира 100.000.000 долари,...

Македонија15 часа

Влада: 30 милиони денари за здруженија и фондации за справување со корона кризата

Владата на денешната седница ја разгледа и усвои Програмата за финансирање на програмските активности на здруженијата и фондациите за мерки...

Свет18 часа

СЗО: Секој треба да носи маска на јавен простор

Светската здравствена организација ги ажурираше своите насоки во борбата против Ковид-19 и сега препорачува дека секој треба да носи маска...

Македонија20 часа

Не се планираат рестрикции од понеделник и покрај бројките на новозаболени

Не се планираат никакви рестриктивни мерки од понеделник и покрај големите бројки на новозаболени од коронавирус. Министерот за здравство Венко...

Македонија21 час

Заболени 11 здравствени работници од ГОБ „8 Септември“

Единаесет здравствени работници од ГОБ „8 Септември“ се заболени од коронавирусот. Дополнително, новозаболени има и од Гинеколошко-акушерската клиника, соопшти министерот...

Македонија21 час

Филипче: 90 отсто од новозаболените се асимптоматски, кластерите се под контрола

Ситуацијата е под контрола, убедува министерот за здравство Венко Филипче откако денеска земјава го достигна пикот според новозаразени. Тој не...

Македонија22 часа

Регистрирани 180 случаи на коронавирус, 109 се од Скопје

Министерството за здравство информира дека во последните 24 часа се направени 1272 тестирања, а регистрирани се 180 нови случаи на...

Македонија22 часа

Петровска: Пронајдени се снимките од кафеаната каде што беше Мицкоски

Одземен е уредот за снимање од кафеаната каде што седел лидерот на ВМРО-ДПМНЕ, Христијан Мицкоски, кога инспектори беа спречени да...

Македонија23 часа

Заев до Ахмети: Ако ДУИ условува со позицијата премиер, нема да биде дел од идната Влада

Доколку ДУИ има услов за коалиција за Влада, тогаш ДУИ нема да биде дел од идната Влада, порача на „Фејсбук“...

Македонија1 ден

Коронавирусот се врати во Дебар, заразена e жена која била во контакт и со медицински персонал

Градоначалникот на Дебар, Хекуран Дука, вели дека во градот се појавил еден нов случај на жител заразен со коорнавирус. Тој...

Свет1 ден

Босанец осомничен за напад на полицајци при немирите во Њујорк, се поврзува со тероризам

Џенан Камовиќ, Босанец кој живее во Америка, е осомничен дека повредил тројца полицајци во Њујорк. ФБИ сега истражува дали станува...

Топ1 ден

Паркиран камион се придвижил и удрил во две лица во Виница, жена почина на самото место

Во попладневните часови на 4 јуни кај стариот градски „Зелен пазар“ во Виница, претходно паркирано товарно возило „застава“ без регистарски...

Европа1 ден

Регионална шпанска влада осудена за негрижа кон здравствените работници

Судот во провинцијата Арагон, на истокот на Шпанија, ја осуди регионалната власт затоа што не им обезбеди на лекарите заштитен...

Свет1 ден

(Видео) Илјадници луѓе на комеморацијата за убиениот Џорџ Флојд

Илјадници луѓе присуствуваа на комеморацијата за Афроамериканецот Џорџ Флојд, кој беше убиен за време на полициско апсење во Минеаполис. Меѓу...

Досие