Француски медиуми: Оланд во недела ќе ја напушти Елисејската палата како непопуларен француски државник

Францускиот претседател во заминување Франсоа Оланд пред започнувањето на својот претседателски мандат вети дека ќе биде „нормален претседател“, близок до народот, но во недела ќе ја напушти Елисејската палата како далеку непопуларен француски државник, оставајќи зад себе доста сложена политичка состојба, коментираат француските медиуми.

Должноста ќе ја напушти понижен и поради тоа управувањето му го препушта на 39-годишниот Емануел Макрон, практично новајлија во политиката, но избран, меѓу другото и поради ветувањата дека ќе ја прекина петгодишната политика на Оланд.

Неразумен и изложен на критики дури и во сопствената партија, Франсоа Оланд земјата ја водеше како воен лидер, предводејќи ги воените операции во странство, и притоа изразувајќи во тоа одлучност каква што никогаш немал во внатрешната политика, потенцираат француските медиуми./крај/мф/бс