„Хоризонте“ од Германија во Музејот на град Скопје

Во рамките на манифестацијата Денови на македонската музика, вечерва во 20 часот ќе се одржи концерт на германскиот ансамбл Хоризонте.

Ансамблот „Хоризонте“ е во состав Данте Монтоја, флејта Мерве Казокогулу, кларинет, Хелене Шиц, харфа Марајке Норман, виолина, Марија Пахе, виола, Хауке Сивертсен, виолончело, Јорг-Петер Мишма, водач и обоа.

„Хоризонте“ се формирани во 1990 година, и до денес делува во различни формации, и е посветен пред се на изведба на современа музика.

Гостувањето на германскиот ансамбл „Хоризонте“ со своите аранжмани ќе донесе поважна од која било стилска дефиниција – тие ја сметаат желбата за создавање различни контексти преку тематски фокус, како и на специфични просторни ситуации.

На овој начин е овозможена ориентацијата на неподготвениот слушател во звуковниот свет на музичката модерна. Традиционалното и модерното, како и интеракцијата помеѓу музиката и другите уметнички жанрови претставуваат најважниот елемент во уметноста на ансамблот, што ги отвора вратите на современиот звук за пошироката публика, не поставувајќи го претходното музичко знење и искуство како предуслов. крај/мф/ав