Daily news
Базата „Инџирлик” и бегалците во Германија повторно ги скараа Анкара и Берлин

Одлуката на Германија да им даде азил на Турци кои се обвинети дека учествувале во обидот за преврат ги затегна уште еднаш односите меѓу двете партнерски земји.
Ова го изјави премиерот Бинали Јилдирим, цитиран од агенцијата „Ројтерс”.
414 Турци со дипломатски пасоши и други документи за работа во владата побарале азил во Германија, соопштија берлински институции минатата недела.
Министерството за внатрешни работи потврди дека некои апликации се одобрени, но не ја даде точната бројка.
По обидот за преврат Анкара почна масовни чистки кои доведоа до апсења и бегства на десетици илјади лица. Претседателот Реџеп Ердоган тврди дека зад пучот стои неговиот поранешен близок сојузник Фетулах Ѓулен, кој живее во егзил во САД.
„Ако Германија сака да ги подобри односите со Турција, таа треба да се обрати на турската република, а не на сепаратистите и членови на ФЕТО”, изјави Јилдирим.
Тензиите меѓу Берлин и Анкара се зголемуваат со месеци, и тоа го покрена прашањето за иднината на германските војници распоредени во турската база „Инцирлик”. Таа е главната база на НАТО, користена од коалицијата против „Исламска држава”.
Вчера канцеларката Ангела Меркел изјави дека војниците може да бидат преместени во друга држава, ако Турција не дозволи германски пратеници да ги посетат.
Во „Инцирлик” има околу 250 Германци, кои се вклучени во американската мисија против џихадистите во Сирија и Ирак. Од турското Министерство за надворешни работи коментираа за „Ројтерс” дека во овој момент не е упатно пратеници да ги посетуваат.
„Ќе треба да побараме и други начини да го исполниме мандатот”, рече Меркел.
„Тоа значи да побараме алтернативи за ‘Инџирлик’, една од нив може да е Јордан“.
На крајот на минатата недела Анкара одби да им даде пристап на германски политичари, но подоцна посетата беше одржана. Извори од Владата во Берлин велат дека во деновите што доаѓаат германски тим ќе го посети Јордан за да се разгледа можноста за користење на потенцијални бази во оваа земја. Исто така, се размислува и за бази во Кипар и во Кувајт.
Портпаролот на Министерството за надворешни работи на Германија го нарече „апсолутно неприфатливо” однесувањето на Турција и изјави дека министерот за надворешни работи, Зигмар Габриел, ќе го покрене прашањето на самитот на НАТО, кој ќе се одржи во средата.Крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.