Daily news
„Богот на земјата„ ќе биде прогласен утре, но само ако успее референдумот на Ердоган
По неколку месеци “да” или “не” агитација, светот се подготвува за решавањето на судбината на народот. Турците во недела – 16 април излегуваат на референдумско гласање за промени во уставот.
Со него ќе се одлучат – дали ќе се прошират овластувањата на шефот на државата, со што практично Реџеп Ердоган ќе ја добие целата власт во свои раце. На референдумот ќе гласаат близу 55 милиони, пренесе весникот. “Хуриет”.
Кампањата започна во октомври 2016 година. Политичките аналитичари очекуваат поддршка за шефот на државата, која веќе е рамо на националистите од Партијата за национално акција (МХП) и, природно, на владејачката Партија на правдата и развојот (АКП).
Значителен придонес за идејата за преминување кон претседателска република има неуспешниот државен удар за соборување на Ердоган од 15 јули минатата година. Предлог беше усвоен брзо и решително кон крајот на јануари со 339 позитивни гласови, и покрај противењето од страна на Републиканската народна партија (ЦХП) и Демократската партија на народите (ЦДП).
Уставните амандмани се вкупно 18 на број. Ако турските власти ги одобрат, бројот на пратениците се зголемува од 550 на 600, а старосната граница за кандидат-пратеник се намалува од 25 на 18 години. Изборите за парламент и претседател ќе се одржуваат еднаш на пет години и тоа во еден ден. Претседателот ќе има петгодишен мандат, а едно лице ќе може да се кандидира само два пати за оваа позиција.
Претседателот ќе остане лидерот на партијата која има најмногу поддршка. Но, кандидат за претседателската функција ќе можат да предлагаат и партии кои освоиле најмалку 5 проценти од важечките гласови на последните избори, како и со сто илјади потписи на луѓе кои имаат право на глас.
Новиот систем ја доделува извршната власт на шефот на државата, а функцијата премиер се намалува. Кабинетот исто така ќе го именува претседателот, кој ќе може да именува и да разрешува и нивне заменици.
Претседателот ќе може да иницира истрага против, потпретседателите и министрите. За таа цел ќе бидат потребни гласовите на 301 пратеници. За овторање на истрагата кон Врховниот суд сепак ќе бидат потребни гласови на 401 пратеник. Нема да може да се иницира гласање недоверба. Претседателот ќе може да издава декрети во врска со овластувањата во извршната власт.
Единствениот закон со кој претседателот ќе мора да бада согласонт од парламентот, е поврзан со буџетот на земјата. Претседателот ќе може да прогласи вонредна состојба. За време на вонредната состојба, тој ќе има неограничени овластувања. Претседателот ќе може да го распушти кабинетот. Изготвен е и пакетот реформи во органите на судството.
Таа ќе се остварува од “независни и непристрасни судови во името на турскиот народ”. Тука е додаден изразот “непристрасни”, кој е отсутен од сегашниот текст. Веројатно ќе се преиспитаат структурите на двете клучни судски институции – Уставниот суд и Врховниот одбор на судии и обвинители. Бројот на членовите на ќе бидат намалени, а дел од нив ќе се именуваат директно од лидерот на земјата. Се очекува референдумот да привлече висока излезност, како околу 1,2 милиони млади луѓе ќе гласаат за прв пат. За гласање ќе бидат распоредени 167.140 гласачи места со уште 461 кутии за затвореници. Безбедноста на изборите ќе ја гарантираат 251,788 полицајци и 128.455 припадници на жандармеријата. Уште чувари ќе има и кај деловите во селата.
Во интервју за државната телевизија ТРТ во петокот Реџеп Ердоган изјави уверување дека, како што тврдат социолозите, поддршка за промени ќе дадат близу 55-60% од гласачите. “Дај Боже, оваа нација да слави утре навечер”, рече тој. Тој исто така изјави дека веднаш по јавното анкетирање Турција ќе ги преиспита односите со Европа.
“Турција не е нивна жртвено јагне. Сите ќе разберат каде им е местото”, рече тој. Во меѓувреме опозицијата е загрижена од нерегуларности за време на кампањата, посочувајќи дека населението станало жртва на агресивните постери со повикот “Да”, а транспарентноста на гласови не е загарантирана. Критичарите забележуваат уште дека медиумите биле притиснати да не информираат за опасноста од промена на моделот.
Членовите на екстремистичката група “Исламска држава” исто така ги повикаа своите приврзаници кон напади, за да не успее референдумот, бидејќи сметаат дека гласањето е спротивно на религијата. Под сомневање за подготовка на терористички акти, во петокот беа уапсени пет лица. Ако гласањето има успех, кон новиот систем ќе се помине во 2019 година Според новите измени следните избори за претседател и парламент ќе се одржат на 3 ноември 2019 година.Крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Полска ја демантира веста за одземањето на „Старлинк“ од Украина: „Ние им го купивме“
Полска ќе продолжи да плаќа за „Старлинк“ за Украинците, изјави министерот за дигитални прашања Кшиштоф Гавковски по извештаите во медиумите...
Зеленски: На светот му треба гаранција дека Русија повеќе не може никому да донесе смрт
На светот му е потребна гаранција дека Русија повеќе нема да може да им носи уништување на другите народи, изјави...
„Њујорк тајмс“: Новиот предлог на Трамп за минералите е речиси ист како и одбиениот, дури е уште построг
Украина денес сериозно го разгледува ревидираниот предлог на САД за нејзините богати природни ресурси, кој ги содржи речиси истите услови...
(Видео) Судири меѓу полицијата и демонстрантите во Бугарија, десничарите против воведувањето на еврото
Приврзаниците на крајната десница денеска се судрија со полицијата за време на протестот за поддршка на бугарската валута лев и...
Нападната и силувана девојка од Скопје, уапсен 37-годишник
Денеска во 01.20 часот во Скопје, полициски службеници од СВР Скопје го лишиле од слобода 37-годишниот Б.Б. од Скопје, постапувајќи...
Додека управувал возило му се слошило и починал: автомобилот излетал од патот во Радовиш, удрил во столб па во паркиран „форд“
Вчера во 10.52 часот во Полициската станица Радовиш било пријавено дека на улицата „8 Септември“ во Радовиш, додека управувал патничко...
(Фото) Претрес во Тетово, пронајдена дрога, уапсен дилер
Вчера во 16.55 часот во Тетово, полициски службеници од СВР Тетово го лишиле од слобода 37-годишниот М.М. од Тетово. При...
(Видео) „Скандалозната одлука на Таравари за КАРИЛ: Загрозени животи и распад на здравствениот систем“, вели Цветаноски
„Здравството е во тотален хаос, ништо не функционира, нема лекови, нема соодветни услуги, не работат важни центри. Со последната скандалозна...
Хамас го предаде телото на Шири Бибас, пред два дена предале погрешно тело
Од кибуцот Нир Оз денеска беше потврдено дека телото на жената предадено од палестинската екстремистичка група Хамас во Појасот Газа...
„Њујорк Пост“ до Трамп: Ова е диктатор
На насловната страница на вчерашното издание на „Њујорк пост“ беше објавена фотографија од рускиот претседател Владимир Путин со натпис: „ОВА...
(Видео) Мицкоски од Вашингтон: Македонија е верен сојузник на САД, направивме многу отстапки, Европа треба да биде принципиелна наместо со двојни стандарди
Премиерот Христијан Мицкоски вчера се обрати на конференцијата „CPAC“ во Вашингтон, при што ја искористи приликата да ја запознае американската...
Со секира го искршиле стаклото од кафулето, па со бензин го запалиле: обвинение против тројца за намерно предизвикување пожар во Кисела Вода
По спроведена истражна постапка, јавен обвинител од Основното јавно обвинителство Скопје поднесе Обвинителен акт против вкупно три лица кои се...
(Видео) „Децата биле брутално убиени со голи раце“: Израел го обвини Хамас за убиство на двете киднапирани момчиња
Ариел и Кфир Бибас, две израелски момчиња киднапирани од Хамас за време на терористички напад на 7 октомври 2023 година,...
Трамп: Зеленски не е доволно важен за да биде на преговорите
Американскиот претседател ја продолжи вербалната војна против својот украински колега. Овој пат Доналд Трамп изјави дека Зеленски не е доволно...
Нема потреба од промена на химната, симболите треба да обединуваат, а не да разединуваат, порача Сиљановска-Давкова
Нема потреба од промена на химната, одговори денеска претседателката на државата, Гордана Сиљановска-Давкова, која појасни дека треба да се биде...
Вработените во Филхармонијата со порака до Љутков: „Нема да дозволиме институцијата да биде жртва на бесрамни политички договори
Вработените во Македонската филхармонија денеска на протест преку кој упатија јавен апел до министерот за култура и туризам, Зоран Љутков...
Полициски возила ќе ги снимаат погрешно паркираните за автоматско казнување
Покрај камерите на улиците во рамките на „Безбеден град“, кои ќе ги ловат прекршоците во сообраќајот, полицајци со возило опремено...
„Ројтерс“: Американците и Русите се состанувале во Швајцарија со месеци на разговори за Украина
Претставници на САД и Русија се состанале во Швајцарија на неформални разговори за војната во Украина во последните месеци, од...
Левицата на средба со рускиот амбасадор: „Односите ни се на минимум поради водење политика за туѓи интереси“
Во репрезентативната „Струшка сала“ на Собранието, пратениците на Левица, Димитар Апасиев и Реџеп Исмаил – Хактан, вчера, остварија средба со...
Мицкоски од Вашингтон: Прво, завршени преговори, па уставни измени, претрпевме многу понижувања
Ние како нација направивме сè што можевме, претрпевме многу понижувања и прифативме многу лоши договори поради нашата европска перспектива и...
