Daily news
(Видео) Змијанац: Градоначалниците и училиштата направија организирана злоупотреба на децата
![](https://makfax.com.mk/wp-content/uploads/2018/01/zmijanac.jpg)
Првиот човек на детската амбасада „Меѓаши“, Драги Змијанац, по учество на околу 7.350 дечиња, во организацијата Бадинкарски поворки, за „Макфакс“ вели дека сите градоначалници, оркестрирано и организирано со логистичка поддршка од градинките и училиштата направиле злоупотреба на децата. Змијанац потенцираше дека градоначалниците подобро би било да бидат логистика за поворки со 7350 деца кои со маски ќе отидат пред општините, таму каде што воздухот е најзагаден за да се упатат апели за спот на аерозагадувањето.
„Таа согласност, што евентуално ја дале родителите на децата, не значи дека тие имаат и верско убедување. Јас ги канам градоначалниците да помогнат со логистика за организирање на превоз, за децата заедно со родителите, апелираат за чист воздух. Тие како градоначалници треба да ни помогнат да не секое второ дете да има последици од загаденот воздух. Оваа власт има поголеми приоритети. Приоритетот со аерозагадувањето е број еден, а тие за време на изборите даваа ветувања дека проблемот со загадувањето ќе биде решен. Имаме потреба за чист воздух, здрава животна средина и здрави деца. Ќе почитувам родителите заедно со своите деца да излезат на организиран марш, за чист воздух. Децата имаат право на живот, не само да ги изразуваат своите верски определби“
Земијанац вели дека едно е традицијата, а друго е да бидат организирани за да одат кај градските татковци за да се сликаат и од тоа да прават себе-промоција. Според него, тоа е политичка злоупотреба на децата. Тој е задоволен што Министерството за образование ќе изврши проверка дали училиштата и градинките дале логистичка поддршка за настанот „Бадинкарски поворки“, но тоа што имале можност сите да го видат во медиумите, кажува дека се било оркестирано и организирано на многу брз начин.
„Јас мислам дека и во актуелнава власт има критично мислење, дека министерката за образование и наука е критична и објективна и дека навистина ќе ги најде дефектите во овој синхростриран и добро организирана посета на 7350 деца“, дополнува Змијанац.
Детската амбасада „Меѓаши“ ќе регира на оваа, како велат, класична злоупотреба на децата, бидејќи за нив претставува популистички метод кој требал да заврши. Првиот човек на амбасадата, вели дека тие ќе го нотираат случајот во извештајот за правата на детето, од каде ќе се превземат одредени препораки.
Кристијан Ландов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.