Daily news
(ВИДЕО) Колариќ: Заев сака да досели мигранти што ќе бидат вработени на местата предвидени за нашите сограѓани
![](https://makfax.com.mk/wp-content/uploads/2017/10/14175-zaev-planira-da-naseli-150.000-migranti-vo-republika-makedonija.png)
Македонските граѓани не смее да бидат маргинализирани на сметка на 150.000 мигранти што Заев планира да ги насели во Република Македонија. Наш приоритет се граѓаните на Република Македонија и нивните потреби, сè друго е секундарно, рече на денешната прес-конференција членот на ИК на ВМРО-ДПМНЕ, Светлана Колариќ.
„Негрижата на Зоран Заев за граѓаните на Република Македонија е алармантна. Додека ВМРО-ДПМНЕ на секаков начин се обидуваше да донесе странски инвеститори, кои ја намалија невработеноста во државата, Заев не само што ги нарекува инвеститорите робовладетели, туку се обврза и да досели мигранти што ќе бидат вработени на местата предвидени за нашите сограѓани“, рече Колариќ.
Во Куманово, каде што СДСМ владееше цела деценија, како што додаде таа, невработеноста денеска изнесува 9.785 невработени лица.
„Зоран Заев се обврзал во Куманово да насели 10.000 мигранти, кои ќе треба да добијат работно место и стан во Куманово. На сметка на младите луѓе што бараат работа и се трудат да дојдат до сопствен дом, Заев води погрешна политика за која се обврзал. За политиката што ја води Заев и денеска ќе ви прикажеме за колкава контрадикторност станува збор. Шведска, држава со 10 милиони жители, со невработеност од само 6,5 отсто, со просечна плата од 3.200 евра и со континуиран раст на БДП од 1,3 отсто годишно, одлучи да прими 40.000 мигранти“, рече Колариќ.
Како што нагласи таа, во нашиот случај Зоран Заев прифати да насели 150.000 мигранти во моменти кога минималната плата е 200 евра, стапката на невработеност е 22,9 отсто и со дефицит од 4,20 отсто во владиниот буџет.
„Одлуките за референдуми што ги донесоа општините беа основната клетка на едно демократско општество. Но, за жал, Владата предводена од СДС одлучи ваквата одлука на општините да ја поништи на еден брутален, на еден незаконски и тоталитаристички начин. Со тоа СДС го укина гласот на граѓаните, кој по Устав е загарантиран и неприкосновен“, нагласи Светлана Колариќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.