Daily news
(ВИДЕО) Спасовски: Преку отворен дијалог меѓу работодавачите, работниците и Владата, ќе разговараме за отворените прашања

Генералниот секретар на СДСМ, Оливер Спасовски се сретна со претставници на неколку синдикати за да разговараат за идните ставови на новата Влада предводена од Социјалдемократскиот сојуз и во тој дух да се врати дијалогот помеѓу работниците, работодавачите и Владата на Р.Македонија, нешто што беше уништено во последниот период.
„Навистина, Македонија има потреба од вистински, слободни и неокупирани синдикати и тоа е задача и цел Владата да придонесе да имаме слободни синдикати со кои ќе можеме да разговараме за заштита за работничките права.
Нам, како СДСМ ни стои во програмата да направиме се за да ги заштитиме работничките права, а тоа може да се оствари само преку отворен дијалог помеѓу работодавачите, работниците и Владата и тоа е нешто што мора веднаш да го започнеме и да разговараме за сите оние отворени прашања кои пред се ќе значат зголемување на минималната и просечна плата во Македонија и заштита на работниците, нешто што мора да стане пракса во Македонија и само преку таков еден дијалог да ги носиме сите решенија, затоа што носење на било какво законско решение или одлука која нема да ги остварува целите на работниците, тогаш мислам дека се пропаднати закони. Токму заради тоа, мислам дека ваков дијалог и вакви средби се неопходни и еве, нека ова биде еден почеток на постојан дијалог, пред се за заштита на работничките права, а воедно и за економијата во Македонија„ рече Спасовски.
Генералниот секретар на СДСМ, Оливер Спасовски потоа одговори на неколки новинарски прашања, поврзани со синдикалното движење и работничките права.
Прифатливо ли ќе биде барањето на синдикатите и тие да имаат свој претставник во Владата, доколку се прифати вице-премиерско место од стопанските комори?
-Ќе дебатираме и разговараме денеска за ова прашање, тоа е прашање кое се надевам ќе биде одлучено од мандатарот. Најважна работа од се е синдикатите да бидат поставени на едно ниво што ќе е достојно за еден синдикат.
Да немаме синдикат кој е окупиран од страна на владејачката партија како што е тоа денес со Созјузот на синдикати на Македонија, туку навистина да имаме независни синдикати кои во секој момент ќе можат да отворат битни прашања за работниците, да се спротивстават или да покренат иницијатива за одредени прашања и во овој момент тоа е најважно за Р.Македонија.
Изгубија ли многу од своите права синдикатите во последните години под минатата власт?
–Не. Изгубија многу работниците. Ако го погледнеме Живко Митревски, тој не изгуби ништо. Можеби и доби нешто повеќе. Меѓутоа, Митревски не е синдикат, синдикатите во Р.Македонија се работниците и во овој период најмногу изгубија работниците. Апелирам работниците навистина да ги вратат синдикатите назад кај нив и преку синдикатите да го остваруваат дијалогот и нивните права„, реча Оливер Спасовски, генерален секретар на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.