Daily news
(ВИДЕО) Трамп се сретна со Јункер и Туск

Претседателот Доналд Трамп ја заврши средбата со претседателот на ЕУ, Доналд Туск, и со првиот човек на Европската комисија, Жан Клод Јункер.
Средбата траеше еден час во новата зграда на Европскиот совет „Европа“, која беше декорирана со многубројни знамиња од земјите членки на ЕУ и од САД. Од средбата не се очекуваше изјава, а она што го забележаа камерите беше крутоста со која Трамп се справуваше со настанот, освен фактот дека на влегување ги поздравуваше новинарите и камерманите.
Брисел од утрово е како во воена состојба поради посетата на американскиот претседател, со неверојатна бучава предизвикана од хеликоптерите кои непрекинато кружат над градот и сирените на полициските возила распоредени насекаде. Медиумите тука главно јавуваат дека Трамп дојде да се сретне со европскиот политички врв откако го нарече Брисел „пеколна дупка“ и да оди на самитот на НАТО, кој го прогласи за застарен.
На неговата агенда денеска е посебна средба со новиот француски претседател Емануел Макрон, што ќе биде уште една непријатна ситуација бидејќи на изборите ја поддржуваше Марин ле Пен, па ова е уште еден однос што треба да го поправи откако е во Брисел.
На самитот, кој ќе почне попладне и ќе трае до доцна вечер, Трамп ќе присуствува на формалното пуштање во употреба на новата зграда на НАТО, која реално ќе стане функционална од почетокот на идната година.
Настанот ќе биде полн со симболика бидејќи најавено е дека на влезот на новиот објект, инаку вреден над една милијарда евра, тој и генералниот секретар Јенс Столтенберг ќе откријат парче од урнатиот Светски трговски центар во Њујорк.
Тој е симбол на борбата против тероризмот и ќе биде најава за формалното вклучување на НАТО во анти-ИСИС коалицијата, што треба да биде најавено денеска.
По нападите на 11 септември 2001 година НАТО за првпат и последен пат ја активираше клаузулата за колективна одбрана. Исто така, најавено е дека и германската канцеларка Ангела Меркел ќе открие парче од Берлинскиот ѕид кое ќе се најде во новиот објект на НАТО, но аналитичарите забележаа дека овој гест, што треба да симболизира крај на поделеноста на Исток и Запад, нема да ги прикрие проблемите во меѓусебните релации, да не се споменуваат притоа односите со турскиот претседател Тауп Реџеп Ердоган, кој исто така е на самитот.
Слободанка Јовановска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.