Daily news
(ВИДЕО) Јакимовски: Заев јавно кажа дека ќе крати од субвенциите

Земјоделците се жртва на погубните и елитистички политики на Зоран Заев. Заев пред целата македонска јавност кажа дека нема да има субвенции за земјоделците кои нема да остварат поголемо производство од претходната година.Тоа практично значи дека владата на Заев нема да има слух за трудот и маката на земјоделците кои можеби нема да имаат повисоко производство од претходната година само заради временските прилики, и тие ќе бидат казнети од Заев со недобивање на субвенции, изјави Миле Јакимовски од ВМРО-ДПМНЕ на денешната прес-конференција која се одржа во седиштето на партијата.
„Заев јавно кажа дека ќе крати од субвенциите. Заев кажа и дека нема да има субвенции за сите видови на земјоделски култури, туку само за одредени. Ова ќе значи крах за земјоделското производство и тотално исчезнување на некои култури од македонските полиња“, нагласи Јакимовски.
Тој додаде дкеа Заев си поигрува со македонските земјоделци, нивната мака и трудот.
„Владата на СДС со кратењето на субвенциите свесно сака да го уништи земјоделството. Политиките на СДС во земјоделството ќе овозможат опстанок само на крупните земјоделски претпријатија и комбинати, што во исто време ќе значи смрт за малите земјоделци, кои своите фамилии ги прехрануваат од земјоделската дејност. Заев е решен свесно да уништи илјадници земјоделци, кои прехрануваат исто толку семејства и чија главна дејност е земјоделството, само за да им излезе во пресрет на неколкуте регионални крупни земјопоседници кои ќе го преземат целото земјоделско производство во тие краеви“, рече Јакимовски.
Како што рече нагласи, земјоделците биле жртви на манипулаторот Заев.
„Заев во текот на предизборната кампања ветуваше живот за земјоделците, поголеми субвенции и подобри услови, а сега 100 дена откако е седнат на власт, јавно да кажува дека нема субвенции за тој што нема да има поголемо производство од претходната година. Владата на СДС подготвува целосен план за кратење на субвенциите. Во интервју за една национална телевизија, Заев рече дека во моментов во Министерството за земјоделство финишираат плановите за ефикасното субвенционирање. Ова ќе значи крај за обичните земјоделци. Ова ќе значи крај за земјоделството во Македонија. Земјоделството е на чекор да биде целосно уништено од елитистичките политики на Заев“, заврши Јакимовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.