Daily news
Власта ќе го менува Законот за укажувачите со препораките на Венециската комисија
Повеќе од една година откако Венециската комисија на Македонија ѝ препорача да биде дозволено објавување материјали од бомбите што ја засегаат јавноста, власта почна со постапката за измена на Законот за заштита на укажувачите. Во мислењето на 23 страници лани Комисијата даде преглед на решенијата вклучувајќи серија препораки.
За Законот за заштита на укажувачите да може да функционира, треба да биде усогласен со Законот за кривичната постапка, со Кривичниот законик и со Законот за заштитените сведоци оти пријавувачот може да стане сведок. Суштинските препораки од Комисијата се однесуваат токму на степенот на дозволеност за јавно пријавување, кој, според неа, е поставен премногу високо. За да добие статус на заштитен укажувач, тој мора да го пријави случајот првин внатрешно, таму каде што работи, потоа надвор – во надлежна државна институција, а потоа во медиумите. Меѓународните стандарди предвидуваат јавно пријавување, во медиумите, дури и во услови кога нема можности за надворешно и внатрешно пријавување, како што е ситуацијата во Македонија.
За да излезе во јавност, од укажувачот се бара да покаже дека доказите за незаконските активности може да бидат уништени. Во препораките од Венециската комисија пишува дека овој услов не треба да постои во Законот.
Венециската комисија препорачува да се донесат општите правила со кои му се дозволува на судот да одреди под кои услови може да биде откриен идентитетот на укажувачот. Во законското решение е наведено дека судот во одредена фаза од постапката, ако процени дека е неопходно, може да го открие идентитетот на пријавувачот. Комисијата проценува дека е неопходно да се утврдат правата на анонимност и доверливост за да не постои конфузија, а на укажувачот да му се остави правото да избере дали да го открие својот идентитет.
Санкцијата до шест илјади евра за тој што ќе го открие идентитетот на укажувачот надвор од пропишаните правила не е доволна за да спречи злонамерно обелоденување информации во врска со укажувачот, пишува во препораките на Комисијата. Наведено е дека би било добро пријавите на укажувачите да одат преку независно советодавно дело, а државните агенции или Министерството за правда да бидат врската до телото.
Венециската комисија за Законот за заштита на приватноста препорача сериозна и длабинска ревизија. Овој закон има легитимна цел, но не се постигнува соодветна рамнотежа меѓу личниот интерес и интересот на јавноста да биде информирана, пишува во документот на Комисијата.
Барањата за писмени мислења, забелешки и сугестии може да се доставуваат до Единствениот електронски национален регистар на прописи (ЕНЕР). Овој закон е и дел од планот на Владата 3-6-9 за реформи во повеќе сфери од општествениот живот. Законот треба да биде донесен најдоцна до 15 септември.
В. Маглешов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.