Daily news
ВМРО-ДПМНЕ: Владата на СДС ја осиромашува државата и ја води во економска бездна
Економските падови станаа заштитен знак на владата предводена од Зоран Заев и СДС. Недомаќинското работење на СДС на Република Македонија и донесе континуиран пад на индустриското производство за 5,3 проценти и пад на прометот во индустријата и градежништвото, обвинува ВМРО-ДПМНЕ.
Катастрофалните резултати значат дека домашните компании имаат помалку пари и повеќе се задолжуваат. Тоа неминовно ќе се одрази и врз платите кои веќе се намалуваат. Намалувањето на платите е првиот чекор кон отпуштање на работници и ставање на клуч на вратите на многу компании.
Падот на градежништвото значи дека се урива главниот погон на македонската економија. Кога паѓа градежништвото тоа значи дека страда и домашното стопанство. Помалиот извоз значи дека македонските компании помалку заработуваат, а помалата заработка значи и помалку пари во буџетот за градба на училишта, болници, патишта.
Деструктивната политика кон странските инвеститори донесе пад на директните странските инвестиции и ги натера постојните инвеститори да размислуваат за напуштање на државата, а СДС и Зоран Заев немаат ни малку грижа дека илјадници граѓани ќе останат без работа.
Дека економската политика на СДС доживува тотално фијаско говори и фактот што Народната Банка констатираше пад за 1.6% во активноста на банките, надополнето со пад на БДП. Банките ја намалија својата кредитна активност, а компаниите се потешко се одлучуваат да земат кредит, политика која ќе го стагнира стопанството.
Граѓаните директно ги почувствуваа лошите економски политики на СДС. Додека имаме пад на просечната плата и извозот расипничката влада на Зоран Заев и СДС неодговорно потроши 420 милиони евра на луксуз, раскош и лично богатење.
СДС ветуваа подобар животен стандард за граѓаните, донесоа само сиромаштија и беда.
Граѓаните ги чувствуваат лошите економски политики на СДС и на локалните избори на 15-ти октомври ќе стават крај на уништувањето на македонската економија од страна на владата предводена од СДС“, се вели во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.