Daily news
Груевски: На келнер од Гостивар дневницата му била 450 денари, а сега му е покачена на 750 денари
Митингот на ВМРО-ДПМНЕ, Груевски го започна поздравувајќи ги тетовчани ипотенцирајќи дека во Тетово има посебна енергија. Тој својот говор го започна велеќи дека во Македонија треба да се создаваат нови работни места за граѓаните, а не за мигрантите кои СДСМ сака да ги досели.
“Сиот народ и сите кои видоа што и се случува на Македонија, истите тие ќе излезат и ќе дадат поддршка на ВМРО-ДПМНЕ. Ние во изминатите 10 години, покажавме како во Македонија може да паѓа невработеноста. Претходно, тоа беше непознато за нашата земја. Прв пат Македонија виде што значи отворање на нови работни места. Тоа не беше симболично и малку, туку значително. Кога бев во Гостивар, разговарав со еден келнер, на кој порано дневницата му била 450 денари, а сега му е 750 денари. Во новата ера превидуваме над 150 илјади работни места, а невработеноста кај младите да се преполови на половина“, вели Груевски.
Претседателот на ВМРО-ДПМНЕ, Никола Груевски од Тетово им порача на граѓаните дека помрачина дошла во Македонија, а тоа ќе се промени во новата декада, по изборите. Преку политиката на отворање на нови работни места, ќе се намали сиромаштијата, додаде тој.
„Македонија беше една од државите со повисоки даноци. Неколку месеци откако дојдовме на власт ги намаливме. Оваа вештачки создадена власт, по неколку месеци најави повторно зголемување на даноците. Во новата ера, Македонија повторно ќе биде држава со најниски даноци во светот, вели Никола Груевски.
Нови инфраструктури проекти, странски инвестиции, мерки и активности во образованието се дел од проектите кои претседателот на ВМРО-ДПМНЕ ги најави од Тетово. Груевски им побарача на граѓаните да гласаат за луѓето кои веруваат во народот и неговите способности, за оние кои се чесни и го остваруваат она што го ветуваат, односно за кандидатите на ВМРО-ДПМНЕ и коалицијата.
К. Ландов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.