Daily news
Дваесет интересни факти за серијата „Озборувачка“
Култната тинејџерска серија „Озборувачка“, што се емитуваше од 2007 до 2012 година, придоби неверојатен број фанови во целиот свет, но се оболожуваме дека и најстраствените од нив не ги знаат сите овие факти:
1 „Озборувачка“ првично била замислена како филм, а не серија, но продуцентите подоцна се предомислиле.
2. Во филмот Блер требало да ја игра Линдзи Лохан.
3. Ед Вествик дошол на аудицја за улогата на Нејт, но продуцентите мислеле дека повеќе личи на „сериски убиец, отколку на романтичен јунак“, па му ја дале улогата на Чак.
4. Во книгите според кои е снимена серијата голем број ликови изгледаат многу поинаку. Џени е ниска, има големи гради и црвена коса, а Ванеса има избричена глава и секогаш носи црно.
5. Постои службен ден „Озборувачка“ во Њујорк, кој се „слави“ на 26 јануари.
6. Еден ден снимање на серијата во Њујорк чинело меѓу 10.000 и 60.000 доалри.
7. Пен Беџли (Ден) и Блејк Ливели (Серена), кои во серијата играат брачна двојка, се познавале од мали нозе и заедно вежбале дома.
8. Актерите Метју Ситл и Кели Ратерфорд, кои го играат таткото Руфус и мајката Лили, во реалниот живот биле во врска пред снимањето на серијата.
9. Блејк Ливели имала проба на невестинскиот фустан што го носеше во серијата за свадбата со Ден, само еден ден по пробата на фустанот за нејзината свадба со Рајан Рејнолдс во вистинскиот живот.
10. Изгледот на Блер Валдорф е инспириран од стајлингот на легендарната Одри Хепберн.
11. Изгледот на Серена е инспириран од Кејт Мос.
12. Пен Беџли два пати ја одбил улогата на Ден, пред конечно да се согласи.
13. Дизајнерот Ерик Даман. кој работеше на костимите, ја доби наградата Еми за костимите во серијата „Сексот и Градот“.
14. Хотелот на Чак „Империја“ навистина постои. Всушност, послужува коктели „ХОХО“ со тајни состојки, кои не сакаат да ги откријат.
15. Џени Хемфри требало да добие своја серијата, со што би заминала од „Озборувачка“ заминувајќи на школување далеку од дома, но за жал, Тејлор Мамсин одлучи да се посвети на музичката кариера, па тие планови пропаднале.
16. Продуцентите на самиот почеток наговестуваа дека Ден е всушност „Озборувачката“. Во првите пет минути од епизодата можеме да го видиме Ден како пишува на телефонот додека го слушаме гласот „озборувачката“.
17. Сепак, Пен Беџли тврди дека не знаел оти тој е „Озборувачката“ се до снимањето на сцената во која тајно се открива.
18. За улогата на Блер, Лејтон Мистер морала да ја обои нејизната природна руса коса во црна.
19. Во реалноста не може да се седи на скалите на МЕТ, каде ученичките од серијата редовно седат.
20. Улогата на Џорџина Спаркс и била понудена на Миша Бартон, но таа ја одбила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.