Daily news
(ВИДЕО) Димитровски: Кочанци заслужуваат општина со економски развој, убава и модерна

Во оОпштина Кочани живеат граѓани кои заслужуваат да продолжат да живеат во општина во која има економски развој, станува убава и модерна и се стреми да ги задоволи апетитите на секој жител, без разлика дали е од урбаниот или руралниот дел, порача кандидатот за градоначалник на Кочани од ВМРО-ДПМНЕ, Ратко Димитровски.
„Граѓаните на Кочани заслужуваат искреност од кандидатите за градоначалници. Ние како ВМРО–ДПМНЕ имаме конкретни планови и конкретни проекти кои директно влијаат на подобрување на животот на граѓаните на општината. А со нашето искуство имаме точен увид во потребите на граѓаните во општината, за што имаме изработени проекти со точни и прецизни податоци.
Јас како градоначалник заедно со Советот на општина Кочани во изминатиот мандат покажавме дека Кочани може да биде подобро место за живеење, дека Кочани заслужува да добие шанса за да ги подобри условите за живеење на кочанци. Ветувањата од претходните програми можете да ги проверите во отчетите кои ви ги даваме со цел да нè проверите и да се убедите дека ние сме луѓе – ваши сограѓани кои се држат до дадениот збор.
Дел од позначајните планирани проекти од програмата се: Изградба на пречистителна станица за отпадните води во општина Кочани. Изградба на брана „Речани“ на Оризарска Река. Изградба на експресен пат Штип – Кочани. Изградба на два кружни тека, едниот на западниот дел на општината, кој ќе биде и приклучок кон новиот Експресен пат. Развој на Спортско-рекреативниот центар „Пониква“ и изградба на водоводна и канализациска мрежа. Планирано е и понатаму да се инвестира во проширување на капацитетите во детските градинки. За развој на масовниот спорт и на спортот за сите, најдобар начин да се создадат услови е преку изградба на повеќенаменски игралишта. Реновирање на градскиот стадион „Никола Мантов“. Започната е целосна реконструкција на општинската зграда. Изградба на катна гаража. Во централното градското подрачје кај поштенската зграда ќе се изгради катна гаража во која би се паркирале одреден број возила.
Продолжуваме со асфалтирање на голем број нови улици во градот и населените места.
Програмата што ја нудиме е реална, остварлива и бара напорна работа и голема посветеност. Нудиме просперитет, сигурност и можност за општина Кочани да продолжи по патот на развојот. И знајте, со нас сте на чисто, секогаш имате можност да нè проверите затоа што она што го ветуваме и го реализираме. Секогаш работа – секогаш Македонија, кон нови предизвици на 15 октомври излезете масовно, гласајте за реден број 13 за да ја отпочнеме новата ера на Кочани, рече Димитровски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.