Daily news
Доделени три милиони евра за проекти со невладини организации

Денеска во ЕУ инфо-центарот се одржа промоција на договорите за грант од ИПА 2013 – грантовата шема за проекти „Зголемување на конкурентноста во Република Македонија“ и грантовата шема „Зголемено учество на граѓанскиот сектор во реформите поврзани со интеграцијата во ЕУ“. Во рамки на оваа активност потпишани се 25 договори за реализација на проекти со невладини организации, а вкупната вредност на неповратните средства за грантовите шеми изнесува над 3 милиони евра.
Вицепремиерот за економски прашања, Кочо Анѓушев, истакна дека Владата е отворена за соработка со граѓанскиот сектор во насока на креирање политики кои се применливи во општеството и кои ќе донесат резултати за македонската економија.
„Сметам дека учеството на граѓанскиот сектор во креирање владините политики, како за конкурентноста на македонската економија така и за реформите поврзани со интеграцијата во ЕУ, е особено важно. Владата ќе работи на креирање синергија со сите чинители на општествениот живот, а невладините организации треба да бидат помагател и коректор на ввладините политики. Заедно со невладините организации ќе работиме да креираме конвергентен процес, за постигнување максимални резултати во интерес на граѓаните на Република Македонија“, истакна вицепремиерот.
Генералниот секретар на Владата, Драги Рашковски, се заблагодари на поддршката од Европската Унија и истакна дека Владата работи на спроведување на неопходните реформи за успешна интеграција на Република Македонија во ЕУ.
„Со планот 3-6-9 Владата се обврза дека ќе изгради стратегија со која ќе се зголеми соработката на граѓанскиот сектор во креирањето на владините политики. Со реализација на проектите за кои се доделени грантови значително ќе се придонесе за поефикасна реформа во јавната администрација, како и за реформите поврзани со интеграцијата во ЕУ“, нагласи Рашковски.
Раководителот на Секторот за соработка во Делегацијата на Европската Унија, Никола Бертолини, истакна дека Владините институции вложија голем напор со цел да се обезбедат овие грантови, да се запазат сите предвидени рокови и дека е направен чекор напред со оглед на тоа дека во претходните години средствата наменети за вакви проекти останувале неискористени.
„Делегацијата на Европската Унија минатата година година имаше наменето 122 милиони евра за поддршка на Република Македонија, од кои се искористени 70 милиони евра, а ќе продолжиме да работиме со централните и локалните власти, за да ѝ помогнеме на Република Македонија во пристапувањето кон Европската Унија“, истакна Бертолини.
Десетте проекти кои се поврзани со конкурентноста на македонската економија ќе се реализираат во наредните 24 месеци, додека преостанатите петнаесет проекти за зголемување на учеството на граѓанскиот сектор во реформите повразни со интеграцијата во ЕУ ќе се спроведуваат во период од 18 месеци. Од вкупните средства 1,38 милиони евра се наменети за поттикнување на конкурентноста, а 1,63 милиони за ЕУ реформите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.