Daily news
ЖРК Вардар домаќин на завршниот турнир во ВРХЛ лигата

ЖРК Вардар, во вторник и в среда ќе биде домаќин на завршниот турнир во Женската ракометна регионална лига (ВРХЛ). Покрај Вардар, на турнирот ќе учествуваат Будуќност од Подгорица, Подравка и Крим
Најдобрите четири женски ракометни екипи од регионот, во вторник и в среда ќе се борат за титулата во ВРХЛ лигата.
На турнирот во СЦ „Јане Сандански“ учествуваат три поранешни европски шампиони, односно две екипи кои ќе се борат за титулата во Лигата на шампионките во Будимпешта на 6 и 7 мај.
„Ова е добро за сите екипи. За Будуќност и Вардар како подготовка за настап на завршниот турнир во Лигата на шампионите. Кога станува збор за Подравка, ние не успеавме да ги минеме квалификациите во Лигата на шампионките, паралено сега играме во домашното првенство и оваа регионална лига, така што овој турнир ќе биде добар за нас. Малку распоредот е пренатрупан, но од ова можеме само да добиеме. Сигурно е дека Вардар е фаворит, но ние ќе извлечеме добри работи кои ќе ни користат во домашното првенство и Куп“, рече на прес-конференцијата Горан Мрѓен.
„Ова е добро за нас, ни требаат силни натпревари низ кои можеме само да собираме искуство и да напредуваме. Очекувам добар меч против Вардар, иако на последниот турнир не пруживме достоен отпор“, рече капитенот на Подравка, Ивана Капитановиќ.
Настапот на турнирот ќе биде добра подготовка за македонските шампионки во пресрет на завршниот турнир во Лигата на шампионите.
Балканската лига поседува квалитет исто како и нашиот противник Подравка. Тоа отсекогаш бил силен тим. Сезонава имаме две победи против нив, но тоа не значи ништо, ќе играме на победа, сакаме да играме во финалето“, вели тренерот на Вардар, Ирина Дибирова.
„Завршниот турнир доаѓа во вистинско време, ќе можеме да се подготвиме за она што нѐ чека во Будимпешта бидејќи во македонското првенство немаме натпревари. Подравка е тим со долга традиција, сега е максимално подмладен. Се надевам дека ќе одиграме добро, не го потценувам противникот, но ние сме поквалитетен тим“, рече ракометарката на Вардар, Андреа Човиќ.
Турнирот во вторник ќе го отворат Вардар и Подравка од 15:30 часот, а од 18 часот ќе играат Крим и Будуќност. В среда во истите термини ќе се одигра најпрвин натпреварот за третото место, а потоа и финалето.
Влезот за натпреварите на завршниот турнир е слободен. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.