Daily news
Запрен проект за наводнување, претходната влада не им плаќала на консултантите
![](https://makfax.com.mk/wp-content/uploads/2017/09/ministerstvo-za-zemjodelstvo-1200x545_c.jpg)
Министерството за земјоделство, шумарство и водостопанство денеска плати 207.000 евра заостанат долг за консултантски услуги за проектот „Програма за наводнување Јужновардарска Долина“ – втора фаза. На овој начин е откочена реализацијата на проектот, кој беше блокиран бидејќи претходната влада не плаќала редовно за консултантски услуги во изминатите две години.
Со подмирувањето на долгот овозможивме меѓународниот консултант на проектот да продолжи со работа, а со тоа да продолжат и активностите за изградба на системите за наводнување во Валандовскиот Регион.
Реализацијата на програмата, во согласност со договорените услови, требаше да почне минатата година, но поради неплаќање на фактурите, пролонгирана е за една година. Иако немало никаква законска и финансиска пречка, фактурите пристигнувале во Министерството, но не се плаќале, што довело до зголемување на давачките на државата кон кредиторот, односно плаќање на каматите за неизграден објект. Ваквото работење веќе е предмет на ревизија, која треба да ги утврди причините и последиците од неплаќањето за што ќе има и одговорност.
Со овој проект е предвидена реконструкција, рехабилитација и изградба на систем за наводнување 2.000 хектари во регионот на Удово, Јосифово и Пирава. Изведбата на градежните работи се очекува да започне во првиот квартал в година.
За реализација на втората фаза од овој проект, обезбедени се околу 16 милиони евра, преку кредит од германска банка и од буџетот на Министерството.
Проектот „Јужновардарска Долина“ е од витално значење за земјоделството во јужниот регион и со неговата реализација долгорочно ќе се реши проблемот со обезбедување вода за наводнување.
Освен овој проект, во тек е изградба на браната „Конско“, со која ќе се обезбедат количини вода потребни за наводнување 6.500 хектари во регионот од Гевгелија до Дојран и изградба на мали иригациони системи, проект во соработка со ИПА во вредност од 5 милиони евра.
Ваквите зафати се дел од зацртаните приоритети во програмата на Владата во делот за санација на постојните системи за наводнување и изградба на нови, кои, освен што ќе го зголемат водниот потенцијал, ќе придонесат и за трајно решавање на проблемите на земјоделците со наводнувањето, што е предуслов за развој на целокупниот земјоделски сектор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.