Daily news
(Видео) Интервју со Јордан Симонов: Македонските серии ни се поблиски од турските

По речиси дваесетина улоги во македонски филмови и серии и многубројни актерски остварувања на театарска сцена, Јордан Симонов, независно дали игра панкер (Мирса во „Панкот не е мртов“), дали син што треба да реши за иднината на мајката (со Ева Рас во „Елена“) или е заменик-уредник во весник (Тихомир од „Инсајдер“), специфичната харизма, зрелоста во глумечкиот занает и прецизноста со која се справува во улогите го прават исклучително впечатлив.
Непосредно пред почетокот на емитувањето на новата македонска играна серија со наслов „Инсајдер“ (ќе почне да се емитува на 30 октомври), во која Симонов игра во 23 од 26 епизоди, по негово долго отсуство во медиумите, разговаравме ексклузивно во студиото на „Макфакс“.
Ѕирнавме инсајдерски во авантурите на снимањето на серијата во која дејството се случува во една новинска редакција. Начинот на градење на ликот на еден заменик-уредник, каков што игра во „Инсајдер“, е за потребата од континуитет да се работат македонски филмски продукти. Според него, доколку нешто се сработи чесно и искрено, публиката ќе го засака.
„Нам не ни е првпат да направиме квалитетни серии. Порано ја имавме ‘Бушава азбука’ и слични телевизиски производи, но, за жал, се создаде огромна временска дупка до снимањето на ‘Петко’ или ‘Преспав’. Се надевам дека овој тренд на работа на модерни македонски играни серии нема да сопре, иако тоа зависи од многу фактори“, вели тој. Ни откри дека во младоста дури и сакал да се занимава со новинарство и имал три објави на музички рецензии во тогашниот весник „Млад борец“. Вели дека политиката тешко ќе ги крене рацете од културата, но доволно е ако таа биде во рацете на професионалци што повеќе ќе се залагаат за работата отколку за партијата. Драматургијата ни е слабост, во сценаријата ни недостига поголема разговорливост во дијалозите… За ова и за многу други теми во видеоинтервјуто со Симонов.
Ана Василевска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.