Daily news
Кире и Борко го срушија Исланд (Фото галерија)
Ракометната репрезентација на Македонија го победи Исланд 30:25 (15:13), во третото квалификациско коло, во Групата 4 за пласман на Европското првенство. Македонија по три одиграни натпревари има две победи и еден пораз, колку шти има и Украина, додека Исланд како и Чешка има една победа и два порази.
Раул Гонзалес во само неколку дена успеа да имплементира дел од својата ракометна филозофија во играта на македонската репрезентација.
Иако, македонските бавно го започнаа натпреварот, му дозволија на Исланд да поведе со 0:2 во првите 150 секунди, многу бргу Ристовски, Талески и Лазаров, направија пресврт и во 7.минута Македонија водеше 4:2.
Во овој период капитенот Лазаров и Талески постигнаа по два гола, а повратникот на голот на репрезентацијата Ристовски имаше четири одбрани.
Тактичко изнендување за Исланѓаните беше и тоа што Кире Лазаров играше во двата правци, а поради тоа Митков започна на позицијата десно крило наместо стандардниот Георгиевски.
Во првата половина од првото полувреме Македонија одржуваше предност од два до три гола (8:5, 9:6, 10:7).
Бариерата од три гола Македонија ја надмина во 18.минута, кога капитенот Лазаров, со мајсторски гол погоди за 11:7.
Разликата од четири гола „црвено-жолтите“ ја одржуваа до 26.минута (14:10), иако неколку пати пропуштија можност да се „одлепат“ на пет разлика.
Во последните четири минути Исланд одговори со серија 1:3, за водство на Македонија по првиот дел 15:13.
Блескаво првото полувреме имаше капитенот Лазаров, кој постигна осум голови со 100 настотна реализиација, додека Ристовски имаше шест одбрани.
Исланд го предводеше ветеранот Сигурдсон со пет голови.
Моментумот од финишот на првиот дел Исланѓаните го пренесоа и во вториот и со уште една серија 1:3, во 36.минута го презедоа водството 16:17.
Македонија во тие моменти тешко играше во нападот, а Палмарсон на спортивната страна успеа да го разигра својот тим.
Минутата одмор на Раул Гонзалес ја врати Македонија во натпреварот. Профунционира врската Лазаров-Стоилов, Георгиевски постигна два гола од контранапад и во 43.минута „црвено-жолтите“ водеа 22:19. Оваа разлика (23:20, 24:21, 25:22, 26:23), македонските играчи ја одржуваа до 54.минута кога Исланд со два брзи гола се доближи на 26:25.
Македонија потоа одговори со иста мерка Миркуловски погоди со помош на дирекот, потоа Талески беше прецизен за 28:25, Миркуловски со нов гол во претпоследната минута ја врати Македонија на највисоките четири гола предност (29:25).
Но вистински херој во последните четири минути беше Бороко Ристовски кој одбрани три топки.
Македонија до победата ја предводеа капитенот Лазаров со 10, односно Талески со пет голови и Ристовски со 12 одбрани.
Овие два репрезентации в недела, во Рејкјавик, ќе го одиграат реваншот, кој ќе започне во 19:45 часот. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.