Daily news
Која е тајната на луѓето кои никогаш не се љубоморни
Ако случајно сметате дека ви е потребна поголема сигурност, време е да ги откриете тајните на луѓето кои никогаш не се љубоморни.
1. Тие се опкружени со луѓе на кои им веруваат
Околината има директно влијание на нашето однесување, што значи, ако сте во добро друштво и вашите емоции ќе бидат позитивни.
2. Имаат високо ниво на самопочит
За да бидете сигурни во себе, мора да се сакате. Ако сте задоволни со себе и имате високо ниво на самодоверба, никогаш нема да се почувствувате загрозено од самото присуство на некоја трета личност, без разлика дали се работи за љубов или пријателство.
3. Го слават туѓиот успех
Важно е да запаметите дека туѓата приказна не е ваша. Така, ако колегата напредува или најдобрата пријателка се верила пред вас, тоа никако не влијае на вашиот живот. Луѓето кои се сигурни во себе и се фокусираат на радоста, а не зависта, се оние вистински среќните и успешни.
4. Благодарни се на она што го имаат
Заедничката карактеристика на луѓето кои се постојано среќни и задоволни е благодарноста. Ако сте благодарни за она што го имате, ќе бидете помалку фокусирани на она што го имаат другите. Недостатокот на благодарност само ќе ве оддалечи од целта.
5. Знаат кога да се исклучат од социјалните мрежи
Не е тајна дека фотографирањето за на Фејсбук и чекирањето ни стана секојдневие. Но, честата потреба за социјалните мрежи може да создаде негативни емоции како осаменост и завист. Времето кое го поминувате оддалечени од смартфонот најдобро е да го вложите во градење на своите реални конекции и зајакнување на самодоверба.
6. Тие не прават нешто за другите да им завидуваат
Повеќето луѓе за најголем успех ја сметаат туѓата љубомора и завист упатена кон нивниот „совршен живот“. Меѓутоа, овој начин на сфаќање произлегува од личната, несвесна несигурност која може да прерасне во поголем проблем. Луѓето кои учат како да управуваат со љубомората, никогаш нема да се радуваат на туѓата завист.
7. Не се фокусираат на правилата
Тие не им робуваат на правилата и моралните вредности за да бидат прифатени, туку сами ги креираат правилата, навиките и нормите. Важно е да запаметите дека вредите многу повеќе од наградите на полицата.
8. Не се споредуваат со другите
Споредувањето е најголем крадец на среќата. Наместо тоа, фокусирајте се на своите цели, планови и луѓето кои ве исполнуваат. Секогаш ќе постои некој подобар од вас, но наместо да размислувате за тоа, истакнете го она во што вие сте добри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.