Daily news
Медицинска диета од Данска – за 13 дена се губат и до 20 кг!
Се препорачува оваа диета да се почне во недела. Трае 13 дена и, според искуствата на тие што ја применувале, се губат и до 20 килограми, но е мошне тешка и секој организам не ја поднесува подеднакво. Затоа, не применувајте ниеден режим на исхрана или диета без консултација со лекар.
Планот за исхрана мора прецизно и доследно да се следи и да не се зема ништо што не е на листата, дури ни чаша пиво или гума за џвакање.
Ако правилно се држи диетата 13 дена, не треба да се повторува најмалку една година, или уште подобро следните две години.
Во текот на диетата се користи шеќер во коцки, а при глад треба да се пие вода, не помалку од два литри дневно.
План за исхрана:
Ден 1
Појадок 1 шолја црно кафе, 1 коцка шеќер
Ручек 2 тврдо варени јајца, спанаќ варен во вода, 1 домат
Вечера 1 голема шницла (230 г), салата
Ден 2
Појадок 1 шолја црно кафе, 1 коцка шеќер
Ручек – 1 парче шунка, 1 чаша јогурт
Вечера 1 голема шницла, салата
Ден 3
Појадок 1 шолја црно кафе, 1 коцка шеќер, едно парче тост
Ручек 2 тврдо варени јајца, 1 парче шунка, салата
Вечера варен целер, 1 домат, 1 овошје
Ден 4
Појадок 1 шолја црно кафе, 1 коцка шеќер, едно парче тост
Ручек 1 литар џус, 1 чаша јогурт
Вечера 1 варено јајце, 1 изрендан морков, 25 г младо сирење
Ден 5
Појадок 1 голем изрендан морков со лимон
Ручек 1 големо парче варена риба (бакалар, шкарпина, околу 230 гр.) со лимон и малку путер
Вечера 1 голема шницла, салата, варен целер
Ден 6
Појадок 1 шолја црно кафе, 1 коцка шеќер, едно парче тост
Ручек 2 варени јајца, една голем изрендан морков
Вечера 1/2 пиле на ражен без кожа, салата
Ден 7
Појадок 1 шолја чај без шеќер
Ручек НИШТО
Вечера 1 јагнешки котлет на жар, свежо овошје
Ден 8
Појадок 1 шолја црно кафе, 1 коцка шеќер, едно парче тост
Ручек 2 варени јајца, 1 парче шунка, салата
Вечера варен целер, 1 домат, 1 овошје
Ден 9
Појадок 1 шолја црно кафе, 1 коцка шеќер
Ручек 1 големо парче шунка, 1 шолја јогурт
Вечера 1 голема шницла, салата, овошје
Ден 10
Појадок 1 шолја црно кафе, 1 коцка шеќер, едно парче тост
Ручек 2 варени јајца, 1 парче шунка, салата
Вечера варен целер, 1 домат, 1 овошје
Ден 11
Појадок 1 шолја црно кафе, 1 коцка шеќер, едно парче тост
Ручек 1 литар џус, 1 чаша јогурт
Вечера 1 варено јајце, 1 изрендан морков, 25 г младо сирење
Ден 12
Појадок 1 голем изрендан морков со лимон
Ручек 1 големо парче варена риба со лимон и малку путер
Вечера 1 голема шницла, салата, варен целер
Ден 13
Појадок 1 шолја црно кафе, 1 коцка шеќер, едно парче тост
Ручек 2 варени јајца, една голем изрендан морков
Вечера 1/2 пиле на жар без кожа, салата
Како да ја подготвите салатата што ја има во менито секој ден:
Исечете 1 килограм моркови, 1 кг бела зелка, 1 црвена пиперка, 1 зелена пиперка, 1 праз.
За прелив: 1 дл масло, 1/2 дл јаболков оцет, 1/2 лажичка шеќер, 1/2 лажичка сол.
Подготовка: Измешајте ги убаво сите состојки и прелијте ги преку салатата. Оставете да отстои еден час. Промешајте повремено. Салатата можете да ја чувате во соодветен пластичен сад во фрижидерот, најмногу до една недела. Ако е за едно лице, тогаш е доволна и половината од горе наведената количина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.