Daily news
Митревски: Безобразни невистини на самопрогласениот в.д. претседател на ССМ
Досегашниот претседател на ССМ, Живко Митревски, во писмена изјава ги отфрли обвинувањата нарекувајќи ги вулгарни лаги на групата исклучени членови на ССМ.
„Во обидот да го скријат срамот од насилната смена на легитимниот претседател на ССМ избран на конгрес, оваа група луѓе потпомогнати од институции на државата и власта во обидот насилно да го освојат ССМ, за свои лични и партиски цели, безобразно ја кријат вистината, која се состои во следното: платата на претседателот на ССМ е помала од платите на повеќето претседатели на гранските синдикати. Тие што живеат надвор од Скопје примаат надоместоци за одвоен живот или им се плаќаат кирии за станот. Претседателот на ССМ од 2010 до 2015 година во согласност со договорот за вработување примал плата од 40 илјади денари и имал права по колективен договор, како и сите други. Од 2015 година прима надоместок само за одвоен живот во согласност со колективниот договор и законот како и сите други. ССМ како репрезентативна организација и СИНАК има 70-ина вработени, поседува две коли и има синдикални канцеларии во сите поголеми градови во РМ. За разлика од ова, поголемиот дел на групата на синдикални пензионери околу Димовски во гранските синдикати има по три вработени лица и, замислете, имаат ни повеќе ни помалку, како, на пример, во „Агро синдикатот“ две возила, СУТКОЗ – едно, УПОЗ – две, СИЕР – пет возила. За време на Митревски вратени се над 32 милиона денари долг, вратени се петте заостанати плати кои тогаш ССМ не можеше да ги исплати. За време на Митревски редовно се примаа плати, а денес на сметката како резултат на крајното домаќинското работење има над 18 милиони денари заштеда. За разлика од ова, сите сејачи на невистини имаат долг кон ССМ повеќе од 12 милиони денари кои не ги уплаќале кон ССМ и ги трошеле. Борбата на оваа група синдикални демагози е борба за освојување на имотот и зградата на ССМ и борба како да се спречат најавите на Митревски за остварување на дополнителните барање на работниците на барањата за зголемени плата во јавниот сектор, полицијата, одбраната, администрацијата и правосудството за колективен договор во јавниот сектор, за нови прифатливи услови за пензиски стаж и слично. Оваа група не може да го скрие ни срамот за кршење на вратите во канцеларијата во кабинетот на претседателот на ССМ, крадење и подметнување документи, дипломи за завршено образование, книги, паричници и лична документација, што е невидено насилство во синдикализмот. Членовите на ССМ крајно ги осудуваат и забраната за влегување вработени во ССМ и автономните синдикати со злоупотреба на службената положба и овластување на самопрогласениот Димовски и неговата група за кршење на демократските права и слободата на движење и ќе бидат поднесени повеќе кривични пријави“, вели во писмената изјава Живко Митревски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.