Daily news
Отворено писмо од Никола Карапејовски до Груевски: Вие го испровоциравте нападот на Тодоров
![](https://makfax.com.mk/wp-content/uploads/2017/06/gruevski.jpg)
Поранешниот новинар Небојша Карапејовски испрати отворено писмо до лидерот на ВМРО-ДПМНЕ, Никола Груевски.
„Почитуван господине Груевски,
Ова „почитуван“ и „господине“ се употребени со невиден цинизам и како такви читајте ги и во продолжението на текстот.
Го гледав Вашето патетично обраќање по обидот за убиство на господинот Тодоров. Се работи за чин што ниту го оправдувам ниту е решение за сите злодела што претходно ги направи Вашиот режим. Но, знаете, дедото на малата Тамара не бил испровоциран од некаквиси „платени медиуми“, „платени невладини“ или „платеници од СДСМ“
Еве од што бил испровоциран и дедото на Тамара, и многу други дедовци, баби и родители, многу други луѓе кои со години гледаат како парите, наместо за лекување, наместо за подобра иднинина на нивните деца им ги дававте на своите платеници.
Еве како на регионалната Телевизија Менада (денешна Ултра), чиј сопстевник е Вашиот пријател, еден од најголемите донатори на ВМРО-ДПМНЕ, Драги Митковски, која и тогаш и сега има рејтинг/гледаност 0 (со зборови: НУЛА), од парите што требаше да им ги дадете на сите деца што чекаа за својата судбина, за својот животот да решите Вие, од народните пари, им префрлате за кампањи на Владата, во рок од само СЕДУМ дена, безмалку 100 000 евра.
Бидејќи односниот господин е сопственик и на Телевизија О2 од Охрид, претпоставувам (а, тое е лесно да се утврди) дека сте го честеле уште речиси 100 000 евра од народот или пари за сите Тамари, чиј живот зависеше од Вашето менаџирање со нив.
Ете така го испровоциравте дедото на Тамара, и сите други родители, зашто САМО овие пари, само од оваа транша, ќе беа не само доволни туку и многу повеќе од тоа да спасите барем еден човечки живот. Ама, по Вашата логика, господине Груевски, многу повеќе беа потребни за задоволување на Вашата болна нарцисоидност да го лажете народот за Вашите успеси.
Жал ми е што овие документи едно лице блиско до Вас ми ги направи достапни само пред неколку недели, иако уште одамна требаше да ја видат светлината на денот.
Господине Груевски,
Сè што најдовте – испокрадовте. И јас сум еден од тие, но за тоа другпат.
Небојша Карапејовски“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.