Daily news
Охридската претстава „Аналфабет“ – најдобра на „Гола месечина“

Наградата Гран при за најдобра претстава се доделува на претставата на охдискиот театар „Григор Прличев“, за извонредната хомогена игра на сите учесници, а посебно на тројката – Горан Стојаноски, Никола Тодороски и Стрезо Стаматовски.
Со вечерашната изведба на претставата „Приказните на заборавените предци“ на НТ Слојштица ќе биде спуштена фестивалската завеса на четвртото по ред издание на Интернационалниот фестивал на комедијата „Гола месечина“, во организација на Театар Комедија, а со поддршка на Општина Аеродром и Министерството за култура на РМ.
Оваа претстава е надвор од натпреварувачкиот дел, во чест на добитниците на наградите во категориите – најдобар актер/актерка, најдобра режија и најдобра претстава, а за кои решаваше трочлената жири-комисија во состав: Лилјана Мазова, претседател, Павле Пекиќ (Србија) и Петре Темелковски.
Наградата за најдобра машка улога му се доделува на Михаил С`рвански за ликот на Блант во претставата „Лажговци во неволја“ на Театарот на сатира „Алеко Константинов“ од Софија, Бугарија, за возбудливата игра во текот на целото дејствие, при што на остава траен белег на врвно актерско остварување.
Наградата за најдобра женка улога и се доделува на Слаѓана Зрниќ за ликот на Гина во претставата „Нажалена фамилија“ на Народниот театар од Република Српска, Бања Лука, Босна и Херцеговина за беспрекорното владеење со атмосферата на одличниот концепт на режисерот Никола Пејаковиќ.
Наградата за најдобра режија му се доделува на Срѓан Јаниќијевиќ за претставата „Силјан штркот шанца“ на Македонскиот народен театар, од Скопје, Македонија. Врз текстот на Дејан Дуковски, Јанаќијевиќ гради концепт на исклучително модерен истражувачки процес во сите сегменти на актуелноста на вечната тема – колку и дали забораваме да бидеме и деца, да играме и да танцуваме.
Наградата Гран при за најдобра претстава се доделува на „Аналфабет“ на Театарот при НУЦК „Григор Прличев“ од Охрид, Македонија, за извонредната хомогена игра на сите учесници, а посебно на тројката – Горан Стојаноски, Никола Тодороски и Стрезо Стаматовски. Работена според текстот „Аналфабет“ на Бранислав Нушиќ, претставата ги отвора сите актуелни теми, односно „ликови на власта“, на човекот на кој кога ќе му дадеш функција ќе ја видиш неговата изопаченост.
„Гола месечина“ почна на 19 јуни, а на сцената на СЦ „Ново Лисиче“ присутните имаа можност да видат вкупно 7 претстави: „Лажговци во неволја“ од Сатиричен театар Софија, „Атена со пенис“ на Драмски театар, „Нажалена фамилија“ на театарот од Бања Лука, „Бегај еве ја жена ти“ од Кумановски театар, „Силјан Штркот шанца“ на МНТ, „Аналфабет“ на Охридски театар и „Приказните на заборавените предци“ за крај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.