Daily news
Да беше жив, на поранешниот премиер Едвар Хит ќе му судеа за силување
Поранешниот британски премиер Едвард Хит, да беше жив, ќе беше приведен на сослушување поради обвиненија за сексуално злоупотребување момчиња, објави британската полиција по двегодишната истрага.
Хит, премиер од 1970 до 1974 година, почина пред дванаесет години, полицијата би го испитувала за седум обвиненија, вклучувајќи го и силувањето на 11-годишното момче.
Според полицијата на округот Вилтшир, која спроведува државна истрага за ова, обвиненијата се однесуваат на периодот од 1956 до 1992 година.
Поддржувачите на Хит, кој до крајот на животот остана самец, ја сметаат оваа истрага како скап лов на вештерки.
40 луѓе поведоа обвиненија против поранешниот британски конзервативен премиер. Меѓу нив има 19 отфрлени случаи, а тројца од жалителите подоцна заклучиле дека направиле грешка. Во десет други случаи обвиненијата биле поведени од страна на трето лице, а тројца биле анонимни.
Хит стана премиер во 1970 година и водеше преговори за влез на Велика Британија во Европската економска заедница, која подоцна стана Европска Унија. Оваа функција ја напушти во 1974 година кога ги загуби изборите бидејќи штрајкот на рударите помогна да се уништи неговата влада.
Потоа, во 1975 година го изгуби раководството на Конзервативната партија, што му го презеде Маргарет Тачер, на која никогаш не ѝ прости за тоа, и таа врска беше прогласена за најдолго негодување во историјата. Тој остана заменик до 2001 година, а во 2005 година почина на 89 години.
Хит во Втората светска војна бил артилериски офицер и многумина го сметале за многу привлечен. но чуден, раздразлив и не многу друштвен лик.
Велика Британија е погодена од серија скандали поврзани со злоупотреба на децата во последните години, а најистакнат е случајот со починатиот телевизиски и радиоводител на Би-би-си, Џими Савил. Петгодишната истрага сега е тест за тоа дали моќните личности во политиката, црквата и локалните власти помогнале да се спречи злоупотребата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.