Daily news
Самсунг ја претставува целосно новата Галакси Ј серија

Самсунг електроникс денес ја најави новата Галакси Ј серија. Hовите Галакси J7, J5 и J3 ќе понудат високи перформанси со неверојатен метален дизајн на куќиштето и подобрена технологија на камерата, за ултра пристапна цена.
Галакси Ј7 се одликува со премиум метално куќиште и со целосен HD супер AMOLED екран, батерија со подолг век на траење и 3GB RAM меморија. Како и моделите J5 и J3, Галакси J7 им нуди поедноставено искуство на корисниците. Моделите J7 и J5 исто така се опремени со напредна камера со висока резолуција од 13 мегапиксели предна камера и 13 мегапиксели задна камера со LED блиц, која им помага на корисниците да фотографираат јасни и изострени фотографии, дури и во услови на слабо осветлување.
Со понатамошното унапредување од претходната палета, Галакси J7 и J5 исто така имаат и скенер за отпечаток од прст. Покомпактниот Галакси J5 се одликува со супер-стилско, целосно метално куќиште и целосен HD супер AMOLED екран за фантастично доживување при гледањето содржини.
Со унапредената предна камера од 13 мегапиксели и проширената меморија со micro SD која подржува повеќе од 256GB, корисниците можат лесно да фотографираат и да ја зачувуваат содржината која е важна за нив.
Побрзиот 1.6GHz процесор го прави Галакси J5 помоќен од кога и да е до сега. Галакси J3, како и другите два модела, се одликува со масивно метално куќиште кое одговара на елегантниот дизајн на остатокот од портфолиото.
Паметниот телефон може да зачува содржини, исто колку и J7 и J5 моделите, поради поголемиот капацитет до 16GB и унапредената 2GB RAM меморија, како и да фотографира подобри фотографии од претходно, благодарение на подобрената 13 мегапиксели задна камера со прецизен авто-фокус.
J3 исто така ја вклучува безбедносната платформа Самсунг Нокс правејќи ја содржината на вашиот телефон најбезбедна.
„Галакси J серијата е од нашите најдобро продавани палети смартфони во Европа. Уверени сме дека новата Галакси Ј серија со напредениот дизајн, извонредната технологија на камерата и карактеристиките со високи перформанси ќе продолжат да ги привлекуваат постојаните и новите потрошувачи кои бараат прекрасни дизајни и моќни паметни телефони од премиум бренд по прифатлива цена”, изјави Павле Зобунџиј, директор на Одделението за телекомуникации, Адриатик регион, Самсунг електроникс.
Галакси J7 и J5 ќе бидат достапни во Европа од јуни, а Галакси J3 ќе биде достапен во јули. н.ц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.