Daily news
Светот гледа кон Скопје, Реал и Јунајтед вечерва на „Филип Втори“

Тимовите пристигнаа, ги одработија прес-конференциите, тренинзите, фан-зоните и скопските кафулиња и ресторани и ги чекаат навивачите за сè ова да кулминира вечерва кога на „Филип Втори“ ќе истрчаат фудбалерите на Реал Мадрид и Манчестер јунајтед со желба да го освојат УЕФА Суперкупот.
Скопје вечерва е центарот на фудбалскиот свет, дуелот ќе се пренесува во живо во 216 земји (49 во Европа и 167 во светот), а над 280 ТВ-станици ќе го пренесуваат пред ТВ-аудиториум од неколку милијарди луѓе.
Во македонската метропола има новинари од целиот свет, од Шпанија и Англија, балканските земји, Португалија, Бразил, Колумбија, Ерменија, Русија, Унгарија…
Стадионот ќе биде исполнет до последното место, од среќници кои преку лотаријата на УЕФА успеаја да дојдат до билети, а во ВИП-ложата ќе седат славни фудбалски имиња – Боби Чарлтон, сер Алекс Фергусон, Предраг Мијатовиќ, претседателот на УЕФА, Александар Чеферин…
На теренот тревата на „Филип Втори“ ќе ја газат играчите на Манчестер јунајтед и Реал. Сè уште не се знае со кои играчи Жозе Мурињо и Зинедин Зидан ќе го започнат натпреварот.
Мурињо има повеќе проблеми бидејќи Баји и Џонс се суспендирани, а Рохо е повреден, поради што ќе треба да му најде партнер во одбраната на Линделоф. Јасно е само дека Мурињо нема да ја менува формацијата 4-2-3-1, што не е случај со Зидан, кој не ја исклучи можноста за 4-4-2 (ромб) формација.
Французинот ги има сите играчи на располагање, и Кристијано Роналдо е тука, иако го пропушти подготвителниот период и има одработено само два тренинга со соиграчите. Јасно е дека кога ќе ја реши дилемата дали ќе Кристијано ќе игра од почеток, тогаш Зидан ќе ги знае и тимот и тактиката за Јунајтед.
Реал во Скопје ќе се обиде да го освои четвртиот трофеј во Суперкупот во клупската историја (2002, 2014, 2016), а „црвените ѓаволи“ се во поход на вториот трофеј, првиот го имаат освоено во 1991 година.
Натпреварот на „Филип Втори“ почнува во 20.45 часот, ќе го суди Џанлука Роки со помошниците од Италија. н.ц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.