Daily news
Сексуално вознемирување во САД, најдобра сторија за 2017
Бран обвинувања за сексуално вознемирување што ги зафати холивудските моќници, политичари, медиумски икони и многу други во САД, беше главна новинска сторија во 2017 година, според изборот на американските уредници и директори на медиуми, во годишната анкета на агенцијата „Асошиејтед прес“.
По сторијата за сексуално вознемирување, на второто место е бурната прва година на Доналд Трамп како претседател на САД. Агенцијата потсетува дека неочекуваната победа на Трамп над демократката Хилари Клинтон на претседателските избори била едногласно прогласена за топ-новинска сторија за 2016 година.
Како трета топ-сторија во годината, американската агенција го наведува масовното пукање во Лос Анџелес, каде 64-годишниот коцкар, набавувајќи цел арсенал оружје, од прозорецот на хотелска соба покоси 58 луѓе, а рани стотина, додека присуствуваа на концерт на отворено.
Силните урагани го зазедоа четвртото место, откако во период од од четири недели, под имињата Харви, Ирма и Марија, опустошија делови на Тексас, Флорида, Порторико и други карипски острови, убивајќи стотина луѓе и нанесувајќи штета од над стотина милијарди долари.
Петта сторија во 2017 година, според оценките на американските уредници, е кризата врзана за севернокорејските ракетни проби и тестирања на хидрогенски бомби, додека шестото место го зазема истрагата за врските на Трамп и неговите соработници со Русија.
Неколкуте обиди на мнозинството републиканци во Конгресот да го повлечат таканаречениот Обамакер, закон за здравствено осигурување од времето на претходникот на Трамп, Барак Обама и да го заменат со нов, се најдоа на седмото место, а веднаш зад нив е даночната реформа, која ја донесоа републиканците во Конгресот без ниту еден глас од демократите.
На деветто место се терористичките напади низ светот, меѓу кои прв беше на новогодишната ноќ во Истанбул, каде вооружен напаѓач уби 39 луѓе во ноќен клуб. Следеа напади на концерти на Аријана Гранде во Англија, на велосипедска трка во Њујорк и на познатото шеталиште во Барселона Ла Рамбла, додека во Сомалија, камион-бомба усмрти над 500 луѓе, а во напад во џамија во Египет беа убиени повеќе од 300 луѓе.
Протерувањето на Исламска држава од двете нејзини главни упоришта – Мосул во Ирак и Рака во Сирија, го зазеде 10. место меѓу главните стории за 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.