Daily news
Совет на Европа: Новинарите изложени на притисок и автоцензура

Новинарите во Европа се изложени на насилство и притисок, се наведува во извештај на Советот на Европа.
Во извештајот се посочува дека европските новинари се изложени на неоправдано мешање во нивната работа, што резултира со страв и автоцензура.
– Секој трет од вкупно 940 испитаници во анкетата изјавил дека во последните три години бил жртва на физичко насилство поради професионалната дејност. Новинарите (69 проценти) често се жртви на на физичка закана и понижување, се наведува во извештајот.
На второ место (53 отсто) новинарите трпат закани по интернет – лични напади или клевети. Половина од анкетираните новинари изјавиле дека биле под притисок на интересни групи, 46 отсто добиле физички закани, а 43 проценти трпеле притисок од политички групи. Новинарите често се жртви и на следење (39 отсто), како и на притисокк од полицијата (35 проценти).
Приближно три четвртини од новинарите изјавиле дека не се заштитени од следење, а половината мислат дека нивните извори не можат да бидат заштитени. Секој петти новинар бил жртва на кражба или му биле одземени средствата за работа, додека еден од пет новинари бил заплашуван со притвор или судски процес.
Случаите со физичко насилство врз новинарите се најчести во Јужен Кавказ и во Турција, но такви случаи се забележани и во земјите на Европска унија и во држави кои не се членки на блокот.
Половината од анкетираните се новинари со над 15-годишно искуство.
Во извештајот се посочува дека новинарите најчесто се изложени на психолошки притисок (60 проценти), притисок преку интернет (57), притисок од одредени лица (51), притисок од интересни групи (45), физичко насилство (41 отсто). Секој трет новинар чувствува закана за семејството и пријателите.
Истражувањето покажува и дека нивото на автоцензура меѓу новинарите во Европа е на висок ниво. Секој петти новинар бил под притисок да напише текст „подобен“ за уредниците, а секој трет бил под притисок да го „омекне“ текстот. На секој четврти новинар му било сугерирано да ја прикрие информацијата, а на 15 проценти – да се откажат од приказната.
Околу 40 отсто од новинарите изјавиле дека обидите за притисок го зголемиле нивниот отпор против цензурата, без оглед дали е наметната или е автоцензура. крај/мф/гд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.