Daily news
Тркалезна маса за состојбите на ромската популација
Ромскиот ресурсен центар и Центарот за семејно и детско згрижување „Атина“ ја организираа денешната тркалезна маса во рамки на проектот „Градење а посилно граѓанско општество за поттикнување на напорите за унапредување на образовната инклузија на Ромите“, финансиран од Европската Унија.
На тркалезната маса „Наоди од целисходни истражувања за состојбите на ромската популација“ учесниците имаа можност да ги слушнат сублиминираните податоци кои влијаат на вклученоста на децата Роми во формалното образование, од спроведените истражувања. Главните заклучоци се резултат на тримесечната работа на истражувачите со поддршка од страна на РРЦ и КМОП, и даваат исклучителни податоци во однос на капацитетите на граѓанските организации, генералните проблеми со кои се соочува ромската популација, како и легислативните рамки за образовна вклученост на децата Роми.
Наодите од анализата и проценката на капацитетите на граѓанските организации кои работат во областа на образовна инклузија на Ромите укажува на потребата од: професионално усовршување на сите ангажирани лица во граѓанските организации, зголемување на менторската поддршка во организациите при спроведување на одреден проект и изведување на сите негови делови и фази, поддршка на некои граѓански организации во процесот на подготвување на стратегиски документи и зајакнување на капацитетите за нивна имплементација, како и зајакнување на соработката на граѓанските организации со институциите на локално и национално ниво и вмрежување на работата на повеќе граѓански организации со цел изведување поголеми проекти во подолг временски период.
Клучни наоди од Романи мапа велат дека, согласно сознанијата добиени од стручните служби од основните училишта и Секторите за образование при општините, меѓу најдоминатни фактори кои негативно влијаат на образовната инклузија на учениците Роми се вбројуваат: ниското образовно ниво на родителите, нискиот социо-економски статус на семејствата, недоволното познавање на македонскиот јазик, непосетувањето на предучилишно образование, нередовноста во училиштето и др.
Испитаниците укажуваат на потребата од зајакнување на капацитетите за вклучување на учениците од поголема возраст во основното образование преку воннаставни активности и изготвување на посебни скратени програми, како и потреба за интервенција на наставниците за работа со „ранливата група на ученици“. Како најефективни наставни форми и методи за поддршка се бројуваат скратени програми за ученици кои не се вклучени во образовниот процес и се во поодмината возраст, како и соработката со родителите.
Главни заклучоци од анализата на легислативната рамка се: постојното национално законодавство за заштита на правото на ромските деца на формалното образование е сеопфатно и широко усогласено со стандардите на ЕУ. Иако, генералните слабости главно се поврзани со имплементацијата, а не се однесуваат на самата законска регулатива, во рамките на оваа анализа се предлагаат низа мерки кои на долг рок би придонеле за унапредување на образовната инклузија на децата Роми, помеѓу кои се вбројуваат: отстранување на правните бариери за дополнителен упис во матичната книга на родени, унапредување на законските механизми за поддршка на децата со ниски постигнувања во училиште, регулирање на задоцнет упис во прво одделение, воведување на дополнителни мерки за реинтеграција на учениците кои биле провремено отсутни од училиште поради престој во странство или сезонска работа и др.
Комбинацијата од локалното искуство на Ромски Ресурсен Центар и интернационалното искуство на КМОП, Атина, до сега се покажа како одлична и води до резултати. Одличната етаблираност и резултатите од терен во работата со Роми на РРЦ во Македонија, и долгогодишната работа на КМОП „Атина“, која имплементира активности од 1973, укажува на силно партнерство од кое се очекува да се преточи во уште повеќе иницијативи за подобрување на статусот на Ромите во Македонија, но и на други маргинализирани групи граѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.