Daily news
Убедлив триумф на Јувентус, на Барселона и се повтори Париз (Видео)

Фудбалерите на Јувентус направија голем чекор кон пласман во полуфиналето, во Лигата на шампионите, откако во првиот четвртфинален меч ја совладаа Барселона 3:0 (2:0). Играч на натпреварот беше Паоло Дибала, кој ги постигна првите два гола.
Јувентус на својата арена целосно ги надигра Каталонците и со една нога закорачи меѓу најдобрите четири екипи во Европа. Паоло Дибала беше двоен стрелец, а судбината на Барселона ја запечати Џорџо Кјелини.
Според најавите и прогнозите, Јувентус од почетокот тргна офанзивно кон голот на Тер-Штеген. Офанзивата вроди со плод во седмата минута, Квадрадо прифати една топка на десната страна, непречено влезе во шеснаесетникот, поотоа го проигра Дибала кој од свртување го погоди споритвниот агол од голот на Барселона.
Каталонците одговорија во 21.минута, кога беа најблиску до постигнување на гол. Меси со брилијантна асистенција го исфрли Иниеста пред Буфон, но неговиот удар искусниот голман рефлексно го одбрани.
Три минути по нереализираната шанса на Иниеста, Јувентус постигна уште еден гол. Манџукиќ повлече по левата страна, а потоа ја врати топката на работо од шеснаесетникот, каде Дибала беше сам, биеше од прва во поблискиот агол за 2:0.
Откако стигна до посакуваниот резултат Јувентус го намали интензитетот во играта до крајот на првиот дел.
Второто полувреме започна со шанси на двете страни, не реализираа Аргентинците Меси и Игуаин. Во 55.минута Јувентус преку Кјелини го постигна третиот гол, кој веројатно е пресуден за пласман во полуфиналето.
Дефанзивецот најдобро се снајде по корнерот на Пјаниќ, најпрвин го издржа дуелот со Маскерано, а потоа со глава ја затресе мрежата на Тер-Штеген.
До карјот на натпреварот Барселона можеше да постигне гол, но Суарез промаши чиста шанса, а потоа Меси од слободен удар го погоди „живиот ѕид“.
Реваншот во Барселона ќе се одигра за осум дена. крај/мф/нц
https://www.youtube.com/watch?v=bstU4qcYzOs
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.